كولىك مينيسترلىگى شەتەلدىك رۇقسات بلانكىلەرىن بەرۋدىڭ جاڭا، جەتىلدىرىلگەن تەتىگىن ازىرلەدى.
جاڭا مەحانيزم ادامي فاكتوردى جانە سىبايلاس جەمقورلىق تاۋەكەلدەرىن جويادى، دەپ حابارلايدى aqshamnews.kz اتالعان مينيسترلىككە سىلتەمە جاساپ.
شەتەلدىك رۇقسات بلانكى (شرب) — بۇل تاسىمالداۋشىلارعا جۇكپەن شەتەلگە شىعۋعا مۇمكىندىك بەرەتىن قۇجات.
1. شرب الۋعا ءوتىنىمدى قاراۋدىڭ بارلىق پروسەسى تولىعىمەن اۆتوماتتاندىرىلدى، ال قاراۋ جانە بەرۋ مەرزىمى قىسقارتىلدى. الدىمەن تاسىمالداۋشى E-license پلاتفورماسى ارقىلى شرب الۋعا سۇرانىستى تولتىرۋى كاجەت. سۇرانىستى قاراۋ مەرزىمى 2 جۇمىس كۇنىنەن 40 مينۋتقا دەيىن، ال شرب بەرۋ 8 كۇننەن 1 كۇنگە دەيىن قىسقارتىلدى؛
2. بۇرىن بلانكىلەردى بەرۋ جۇيەسى تاريحي اقپارات بويىنشا جۇمىس ىستەگەن ەدى. ماسەلەن، تاسىمالداۋشىلاردىڭ وتكەن جىلعى جۇمىسى نەمەسە حالىقارالىق تاسىمالدارداعى تاجىريبەسىەسكەرىلدى. جاڭا ەرەجەگە سايكەس تاسىمالداۋ تاريحى مەن وتكەن جىلى كولىكتىڭ قانشالىقتى بەلسەندى پايدالانىلعانى ماڭىزدى ەمەس. ياعني، قالاۋى مەن ءتيىستى رۇقساتى بار كەز كەلگەن تاسىمالداۋشى رۇقسات بلانكىن الا الادى. بۇل قازاقستاندىق تاسىمالداۋشىلار اراسىندا نەعۇرلىم باسەكەگە قابىلەتتى ورتا قۇرۋعا مۇمكىندىك بەرەدى.
3.ەندى تاپشى بلانكىلەردە كومپانيانىڭ اتاۋى جانە ءاۆتوموبيلدىڭ مەملەكەتتىك ءنومىرى كورسەتىلەدى.
4.جاڭا تەتىك شەڭبەرىندە اۆتوموبيلدەردىڭ كىرۋ جانە شىعۋ فاكتىلەرىن تىركەۋ «بۇركىت» اقپاراتتىق جۇيەسى ارقىلى جۇزەگە اسىرىلادى. بۇل ءوز كەزەگىندە شرب-نى كولەڭكەلى نارىقتا قايتا ساتۋدىڭ العىشارتتارىن جوققا شىعارادى.
5.تاسىمالداۋشىنىڭ جەكە كابينەتىنە حابارلاما كەلگەن ساتتەن باستاپ 30 كۇن ىشىندە ناقتى بلانك بويىنشا شەتەلگە شىعۋعا بولادى. ەسكى مەحانيزم بويىنشا بۇل كورسەتكىش 100 كۇنگە جەتكەن.
6. بۇرىن تولەم ەكى جولمەن جۇزەگە اسىرىلعان: ەكىنشى دەڭگەيدەگى بانكتەر ارقىلى نەمەسە ونلاين، مىندەتتى مەرزىمى 5 جۇمىس كۇنىنە دەيىن. ەندى تەك ونلاين تولەم قاراستىرىلعان، ول 40 مينۋت ىشىندە ورىندالۋى كاجەت. تولەم تۋرالى اقپارات ەلەكتروندىق ۇكىمەتتىڭ تولەم ءشليۋزى ارقىلى الىنادى.
7.بۇگىنگى تاڭدا قازاقستان 42 ەلمەن شەتەلدىك رۇقساتتارمەن الماسۋدى جۇزەگە اسىرادى. بيىل رەكوردتىق الماسۋ جاسالدى — 364 705 شرب.