مەملەكەت باسشىسىنىڭ تاپسىرماسى بويىنشا ىشكى ىستەر مينيسترلىگى 23 قاڭتاردان 30 ماۋسىمعا دەيىن ەلىمىزگە 2022 جىلدىڭ 1 قىركۇيەگىنە دەيىن اكەلىنگەن شەتەلدىك اۆتوكولىكتەردى زاڭداستىرۋعا وتىنىمدەر قابىلدادى، دەپ حابارلايدى اlmaty-akshamy.kz.
ەلىمىزگە 2022 جىلدىڭ 1 قىركۇيەگىنەن كەيىن اكەلىنگەن كولىك قۇرالدارى زاڭداستىرۋعا جاتپايدى. بارلىعى 237 مىڭنان استام شەتەلدىك اۆتوكولىك زاڭداستىرىلدى.
ءبىر رەتتىك زاڭداستىرۋدى ەسكەرە وتىرىپ، اۆتوكولىك يەلەرىنە 2023 جىلدىڭ 1 شىلدەسىنە دەيىن زاڭداستىرۋعا بەرىلگەن وتىنىمدەر اعىمداعى جىلدىڭ 31 جەلتوقسانىنا دەيىن عانا قارالاتىنىن حابارلايمىز. بۇگىنگى كۇنى نورماتيۆتىك قۇقىقتىق اكتىلەرگە ءتيىستى وزگەرىستەر ەنگىزىلۋدە. ياعني، شەتەلدىك اۆتوكولىكتەردى زاڭداستىرۋعا ەكى ايدان از ۋاقىت قالدى. ۋاقىتتىڭ شەكتەۋلى ەكەنىن ەسكەرە وتىرىپ، ءبىز اۆتوكولىك يەلەرىن زاڭداستىرۋ پروسەسىن اياقتاۋعا جانە كولىك قۇرالدارىن تىركەۋگە شاقىرامىز، – دەدى ق ر ءىىم اپك باسقارما باستىعىنىڭ ورىنباسارى التىنبەك جامالييەۆ.