29،75 ترلن تەڭگە ينۆەستيسيا تارتۋ كوزدەلىپ وتىر.
ءىرى ونەركاسىپ كاسىپورىندارى مەن حالىقارالىق كورپوراسيالاردى قازاقستانعا كوشىرۋ باعىتىندا 62 كومپانيامەن جۇرگىزىلگەن جۇمىس ناتيجەسىن بەرىپ جاتىر. ق ر سىرتقى ىستەر ءمينيسترىنىڭ ءبىرىنشى ورىنباساىر قايرات وماروۆ ۇكىمەت وتىرىسىندا وسىنداي مالىمەت ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«نىسانالى كورسەتكىشتەرگە قول جەتكىزۋ ءۇشىن شەتەلدەن تىكەلەي تارتىلاتىن ينۆەستيسيالاردىڭ كورسەتكىشتەرىن الداعى جىلدارعا وڭ سەرپىندى ساقتاي وتىرىپ ءبولۋ كوزدەلگەن. ياعني، 2023-2026 جىلداردىڭ بولجامدى كورسەتكىشتەرى 2026 جىلعا دەيىنگى ينۆەستيسيالىق ساياسات تۇجىرىمداماسىنا سايكەس كەلەدى.
جىل باسىنان بەرى جالپى سوماسى 3،7 ملرد دوللار بولاتىن ءۇش مىڭنان استام جۇمىس ورنى قۇرىلدى. تاعى 5 جوبا ىسكە قوسىلادى دەپ كۇتىلۋدە»، - دەدى ءبىرىنشى ۆيسە-مينيستر.
سونداي-اق، ول الەمنىڭ 30-دان استام ەلىنەن 850 جوباعا 29،75 ترلن تەڭگە ينۆەستيسيا تارتۋ كوزدەلگەنىن اتاپ ءوتتى.
«وسىنىڭ ارقاسىندا 130 مىڭ جۇمىس ورنى قۇرىلادى. قازاقستان اۋماعىنا ءىرى ونەركاسىپ كاسىپورىندارى مەن حالىقارالىق كورپوراسيالاردى كوشىرۋ پروسەسى ءجۇرىپ جاتىر. بۇگىنگى تاڭدا 62 كومپانيا بويىنشا ناقتى ناتيجە بار»، - دەدى قايرات وماروۆ.