ىشكى ىستەر مينيسترلىگى شەتەلدەن اكەلگەن اۆتوكولىكتەرىن تىركەپ ۇلگەرمەگەن قازاقستاندىقتارعا نۇسقاۋلىق ۇسىندى، دەپ حابارلايدى اlmaty-akshamy.kz.
«مەملەكەت باسشىسىنىڭ تاپسىرماسىنا سايكەس قازاقستان رەسپۋبليكاسىنا 2022 جىلدىڭ 1 قىركۇيەگىنە دەيىن اكەلىنگەن شەتەلدىك اۆتوكولىكتەردى زاڭداستىرۋ وتكەن جىلى قاڭتاردا قولعا الىندى. وسى كۇنگە دەيىن اۆتوكولىگىن تىركەمەگەن ازاماتتار، كولىگى تەحنيكالىق جانە ەكولوگيالىق تالاپتارعا سايكەس كەلگەن جاعدايدا ارنايى تولەمدەردى جاساۋى ءتيىس»، - دەلىنگەن ۆەدومستۆونىڭ باسپا ءسوز قىزمەتى تاراتقان حابارلامادا.
مينيسترلىكتىڭ اقپاراتىندا ايتىلعانداي 304 مىڭنان استام شەتەلدىك اۆتوكولىك تىركەلدى. ونىڭ 21 مىڭى — اۆتوكونسترۋكتور. 55 مىڭ اۆتوكولىك ۋاقىتشا ەسەپكە الىندى.
«شەتەلدىك اۆتوكولىك يەلەرىنە بەلگىلەنگەن تارتىپتە تىركەلمەگەن اۆتوكولىكتەردى پايدالانۋ ءۇشىن اكىمشىلىك جاۋاپكەرشىلىك قاراستىرىلاتىنىن ەسكە سالامىز»، - دەيدى ۆەدومستۆودان.