ولار العان بىلىمدەرىمەن ءوز ەلدەرىندە ارىپتەستەرىمەن بولىسەتىن بولادى.
الماتىدا قىرعىزستان، تاجىكستان جانە وزبەكستاننان كەلگەن اسكەري-مەديسينالىق قىزمەتكەرلەر ءۇشىن بىلىكتىلىكتى ارتتىرۋ كۋرسى ءوتىپ جاتىر، دەپ حابارلايدى Almaty-akshamy.kz.
«ەۋروپاداعى قاۋىپسىزدىك جانە ىنتىماقتاستىق ۇيىمى اياسىندا ىسكە اسىرىلىپ جاتقان شارانى جارىلىس ءقاۋپى بار زاتتاردىڭ تاۋەكەلىن ازايتۋ جونىندەگى كەشەندى ىنتىماقتاستىق باعدارلاماسىنا سايكەس، قازاقستان رەسپۋبليكاسى قورعانىس مينيسترلىگىنىڭ قارۋ-جاراقتى باقىلاۋ جانە ينسپەكسيالاۋدى قامتاماسىز ەتۋ ورتالىعى ۇيىمداستىردى»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
ۇيىمداستىرۋشىلاردىڭ ايتۋىنشا، بۇل ساباقتار اسكەري-دالالىق مەديسينا سالاسىندا، ونىڭ ىشىندە جارىلىس ءقاۋپى بار زاتتاردان زارداپ شەككەندەرگە جاردەم كورسەتۋ كەزىندە اسكەري دارىگەرلەردىڭ كاسىبي دەڭگەيىن ارتتىرۋعا باعىتتالعان. دارىستەر مەن پراكتيكالىق ساباقتاردى تاجىريبەلى، جوعارى بىلىكتى حالىقارالىق نۇسقاۋشىلار وتكىزەدى.
قاتىسۋشىلار كۋرس بارىسىندا العان بىلىمدەرىن ءوز ەلدەرىندە ارىپتەستەرىمەن بولىسەتىن بولادى.