شەتەلدەن اكەلگەن كولىكتىڭ العاشقى تىركەۋ الىمى نەگە قىمبات؟ بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتىنىڭ باسقارما باسشىسىنىڭ ورىنباسارى اينۇر سارتايەۆا تۇسىنىكتەمە بەردى، دەپ حابارلايدى almaty-akshamy.kz قازاقپاراتقا سىلتەمە جاساپ..
شەتەلدەن اكەلىنگەن كولىكتى العاشقى تىركەۋ الىمى نەگە جوعارى؟ ونىڭ اقشاسى قايدا تۇسەدى؟ مەملەكەتتىك كىرىستەر كوميتەتى ۇيىمداستىرعان بەينەكونفەرەنسيا فورماتىنداعى ونلاين بريفينگىدە سالا ماماندارىنا وسىنداي ساۋال قويىلدى.
«بارلىق الىم-سالىق سياقتى مەملەكەتتىك تىركەۋ الىمى دا مەملەكەتتىك بيۋدجەتتىڭ قازانىنا تۇسەدى. بۇل الىمداردىڭ مولشەرى سالىق كودەكسىندە بەلگىلەنگەن. ونىڭ كولەمىن مەملەكەتتىك كىرىستەر ورگاندارى بەلگىلەمەيدى. ويتكەنى سالىق ساياساتى ءبىزدىڭ كوميتەتتىڭ قۇزىرىنا كىرمەيدى. ءبىز سالىقتى اكىمشىلەندىرۋ شارالارىن عانا جۇرگىزەمىز»، - دەگەن كوميتەت وكىلى العاشىق تىركەۋ الىمىنىڭ مولشەرى قالاي ەسەپتەلەتىنىن ءتۇسىندىردى.
«العاشقى مەملەكەتتىك تىركەۋ الىمى كولىكتى تىركەگەن كەزدە تولەنەدى. تىركەۋ جاساعان كەزدە ىشكى ىستەر ورگاندارىنىڭ وكىلدەرى وسى تولەمدى تالاپ ەتەدى. بايقاساڭىزدار، العاشقى تىركەۋ الىمىنىڭ قۇنى كولىكتىڭ شىعارىلعان جىلى ەسكىرگەن سايىن جوعارى بولا تۇسەدى. زاۋىتتان شىققانىنا 3 جىلدان ارتىق ۋاقىت وتكەن شەتەلدىك كولىك اكەلسەڭىز، العاشقى تىركەۋ الىمى 1،4 ملن تەڭگەدەن اسادى. ال سۋ جاڭا كولىك اكەلسەڭىز، تىركەۋ الىمىن تولەمەيسىز. ياعني، ەسكى كولىكتەردى اكەلمەۋ ماقساتىندا وسىلاي جاسالعان»، - دەدى اينۇر سارتايەۆا.