الماتىنىڭ وڭىرلىك كوممۋنيكاسيالار قىزمەتىنىڭ الاڭىندا پروفيلاكتيكالىق مەديسينا اكادەمياسىنىڭ پرەزيدەنتى الماز شارمان مەگاپوليستە ءجرۆي-دىڭ ءورشۋى جاعدايىنا قاتىستى تۇسىنىكتەمە بەردى دەپ حابارلايدى Almaty-akshamy.kz
عالىمنىڭ ايتۋىنشا، كوروناۆيرۋستىق ينفەكسيانىڭ، تۇماۋدىڭ جانە ءجرۆي-دىڭ سيمپتومدارى ۇقساس. ءبىراق كوۆيدتىڭ قوسىمشا سيمپتومى – ءدام، ءيىس سەزۋ جوعالۋى جانە ەنتىگۋدىڭ پايدا بولۋى مۇمكىن.
- كوروناۆيرۋستىق ينفەكسيا پتر تەستىلەۋ ارقىلى جاقسى انىقتالعانى ماڭىزدى. ونىڭ بەلگىلەرى ءۇشىن تالداۋ جاساۋ جانە كەز-كەلگەن جاعدايدا، ءتىپتى كوروناۆيرۋس بولماسا دا، وقشاۋلاۋ ۇسىنىلادى، - دەپ كەڭەس بەردى پروفەسسور ا. شارمان.
پروفەسسور تىنىس الۋ جانە جوعارى تەمپەراتۋرا كەزىندە اۋرۋحاناعا جاتۋ كەرەك ەكەنىن اتاپ ءوتتى. كۆي اۋىر تۇردە وتەتىن قارت ادامداردىڭ جاعدايىن باقىلاۋ وتە ماڭىزدى.
الماز شارمان قالا تۇرعىندارىن كوروناۆيرۋسقا عانا ەمەس، تۇماۋعا دا قارسى بەلسەندى ۆاكسينالانۋعا شاقىردى.
- مەن كوروناۆيرۋسقا، ال جاقىندا تۇماۋعا قارسى ەگىلدىم. بۇل ەكى ءتۇرلى ينفەكسيا جانە ولاردىڭ ءوزرارا سايكەستىگى بولۋى مۇمكىن. قوس ينفەكسيانىڭ سالدارى ءارقاشان اۋىر بولادى، - دەدى سپيكەر.
سونداي-اق، ول ءقازىردىڭ وزىندە ۆاكسيناسيالانعان ازاماتتارعا، اسىرەسە 60 جاستان اسقان جانە سوزىلمالى اۋرۋلارى بار ادامدارعا كوروناۆيرۋسقا قوسىمشا ۇدەتكىش ۆاكسينا الۋ كەرەكتىگىن ءتۇسىندىردى.
- يزرايل عالىمدارى كوروناۆيرۋستىق ينفەكسياعا يممۋندىق جاۋاپتىڭ ۆاكسينانىڭ العاشقى ەكى دوزاسىنان سوڭ 6 ايدان كەيىن تومەندەيتىنىن دالەلدەدى. سوندىقتان ريەۆاكسيناسيا ۇسىنىلادى. ول قانشالىقتى ءجيى قاجەت بولاتىنى ءالى ناقتى بەلگىسىز. ول جىل سايىن ءوتۋى مۇمكىن، مۇنىڭ ءبارى پاندەميانىڭ قالاي بولاتىنىنا بايلانىستى، - دەدى ا. شارمان.
پروفەسسور كوروناۆيرۋس ينفەكسياسى ەندەميالىق بولعاندىقتان، بىزبەن ۇزاق ۋاقىت بولادى دەپ سانايدى. كەيدە ول تۇماۋ سياقتى كىشىگىرىم ءورشيدى. سوندىقتان مۇمكىندىگىنشە كوپ ادامنىڭ ۆاكسينالانۋى جانە ريەۆاكسيناسيادان ءوتۋى وتە ماڭىزدى.