ىستانبۇلدا 500-دەن استام جولاۋشى قالعان
Air Astana اۆياكومپانياسى شەتەلدە قالعان قازاقستاندىقتاردى ەلگە اكەلۋگە بارلىق كۇش-جىگەرىن جۇمسايدى. بۇل تۋرالى Almaty-akshamy.kz اتالعان اۋە كومپانياسىنىڭ باسپا ءسوز قىزمەتىنە سىلتەمە جاساپ حابارلايدى.
«قازىرگى ۋاقىتتا ىستانبۇلدا 500-دەن استام جولاۋشى قالىپ وتىر. بۇگىن ءبىزدىڭ اۆياكومپانيا نۇر-سۇلتان-ىستانبۇل رەيسىن جاسايدى. ىستانبۇلعا ۇشىپ شىعۋ ۋاقىتى 19:05، ال قونۋ ۋاقىتى شامامەن 21:25 دەپ وتىرمىز. ىستانبۇلدان كەرى قايتۋ رەيسى 22:25 ساعاتتا، ەلگە كەلۋ شامامەن 06:10 ساعاتتا. بارلىق جەرلەردە جەرگىلىكتى ۋاقىت كورسەتىلگەن»، - دەيدى اۆياكومپانيا باسپا ءسوز قىزمەتى.
ەسكە سالساق، بۇعان دەيىن مىڭنان استام قازاقستاندىق تۋريست تۇركيادان كەلە الماي وتىرعانى حابارلانعان. قازاقستاننىڭ ديپلوماتتارى اۆياجولاۋشىلارعا قۇقىقتىق، اقپاراتتىق قولداۋ كورسەتەتىن ارنايى شتاب قۇردى. بۇدان بولەك، ىستانبۇلدا تۇراتىن قانداستارىمىز دا وزدەرىنىڭ قولداۋلارىن جاساپ جاتىر. قازىرگى ۋاقىتتا قازاقستاندىقتار قازاق-تۇرىك قورىنىڭ كەڭسەسىنە جايعاسقان. ولارعا بارلىق قولداۋ، كومەكتەر بەرىلۋدە.