ءبىرىنشى جارتىجىلدىقتا 2 814 مىڭ ادام شەتەلگە دەمالىسقا شىقتى
قازاقستاندا جىل باسىنان بەرگى التى ايدا 2،8 مىڭ ادام شەتەلگە دەمالۋعا بارعان. Almaty-akshamy.kz بۇل تۋرالى ۇلتتىق ستاتيستيكا بيۋروسىنا سىلتەمە جاساپ حابارلايدى.
«2022 جىلدىڭ ءبىرىنشى جارتىجىلدىعىندا 2 814 مىڭ ادام شەتەلگە دەمالىسقا شىقتى. وتكەن جىلدىڭ سايكەس كەزەڭىمەن سالىستىرعاندا بۇل 109،7% كوپ»، - دەلىنگەن مالىمەتتە.
الايدا بۇل پاندەمياعا دەيىنگى كورسەتكىشتەرگە جەتپەيدى. مىسالى، 2019 جىلدىڭ ءبىرىنشى جارتىجىلدىعىندا قازاقستاندا تۇرىپ جاتقان 4،9 ملن ادام شەتەلدە دەمالعان.
«سونداي-اق 2022 جىلدىڭ ءبىرىنشى جارتىسىندا وتكەن جىلدىڭ سايكەس كەزەڭىمەن سالىستىرعاندا ەلگە كەلگەن تۋريستەر سانى كوبەيدى. كورسەتكىش 132،5% ارتىپ، 1 284 مىڭ ادامدى قۇرادى»، - دەلىنگەن ستاتيستيكالىق اقپاراتتا.
مۇندا دا كارانتينگە دەيىنگى كورسەتكىشتەر الدەقايدا جوعارى بولعان. اتاپ ايتقاندا، 2019 جىلدىڭ ءبىرىنشى جارتىجىلدىعىندا قازاقستانعا 3،8 ملن تۋريست كەلگەن.
«ىشكى تۋريزم بويىنشا 2021 جىلدىڭ ۇقساس كەزەڭىمەن سالىستىرعاندا دەمالىس ورىندارىنا بارۋشىلار سانى 26،8% ارتقان. بيىلعى قاڭتار-ماۋسىم ايلارىندا ەل ىشىندە دەمالعاندار سانى 2 679 مىڭ ادامدى قۇرادى. ايتا كەتەيىك، بۇل كورسەتكىش 2019 جىلدىڭ دەڭگەيىنە قايتا ورالىپ وتىر.
ءبىرىنشى جارتىجىلدىقتا كۋرورت ايماقتارىنا 1167،8 مىڭ ىشكى جانە 166،6 مىڭ سىرتتان كەلگەن دەمالۋشى بارعان»، - دەدى ۇلتتىق ستاتيستيكا بيۋروسىنان.