ىشكى نارىقتا وتىن بالانسىن ساقتاۋ، سونداي-اق مۇناي ونىمدەرىنىڭ اعىندارى مەن "سۇر" ەكسپورتىنىڭ تاۋەكەلدەرىن ازايتۋ ماقساتىندا ق ر ەنەرگەتيكا مينيسترلىگى اۆتوكولىكتىڭ تۇتىنۋ كولەمى مەن شىعۋ تەگىنە بايلانىستى اي-92، اي-93 بەنزينى مەن ديزەل وتىنىنا ناقتىلانعان باعالارى بار بۇيرىق جوباسىن دايىندادى.
قازىرگى ۋاقىتتا باعانى مەملەكەتتىك رەتتەۋگە بايلانىستى قازاقستان ەۋرازيالىق ەكونوميكالىق وداق ەلدەرى اراسىندا جانار-جاعارماي قۇنى ەڭ تومەن ەل بولىپ تابىلادى، بۇل مۇناي ونىمدەرىنىڭ باسقا ەلدەرگە اعىندارى مەن "سۇر" ەكسپورتىنىڭ جوعارى تاۋەكەلدەرىنە اكەلەدى، دەپ حابارلايدى Almaty-akshamy.kz.
بۇيرىق جوباسىمەن اي-92 جانە اي-93 ماركالى بەنزيننىڭ باعاسى ليترىنە 245 تەڭگە دەڭگەيىندە بەلگىلەنەدى دەپ بولجانادى. قازاقستان رەسپۋبليكاسىندا بەرىلگەن جۇرگىزۋشى كۋالىگىن كورسەتكەن كەزدە تاۋلىگىنە 100 ليترگە دەيىنگى كولەمدە باعا ليترىنە 205 تەڭگە قالپىندا وزگەرىسسىز قالادى. قازاقستان رەسپۋبليكاسىندا بەرىلگەن موتوسيكلدەرگە، جەڭىل، جۇك، ارنايى، مامانداندىرىلعان اۆتوموبيلدەر مەن اۆتوبۋستارعا جۇرگىزۋشى كۋالىگى مەن كولىك قۇرالىن تىركەۋ تۋرالى كۋالىك ۇسىنىلعان كەزدە تاۋلىگىنە 300 ليترگە دەيىن – ليترىنە 205 تەڭگە كولەمىندە.
قۇجاتتا ديزەل وتىنىنىڭ باعاسى (جازعى، ماۋسىمارالىق) ليترىنە 315 تەڭگەنى قۇرايدى دەپ بولجانادى. قازاقستان رەسپۋبليكاسىندا بەرىلگەن جۇرگىزۋشى كۋالىگىن كورسەتكەن كەزدە تاۋلىگىنە 100 ليترگە دەيىن ليترىنە 295 تەڭگە؛ قازاقستان رەسپۋبليكاسىندا بەرىلگەن جۇك، ارنايى، مامانداندىرىلعان اۆتوموبيلدەر مەن اۆتوبۋستارعا جۇرگىزۋشى كۋالىگىن جانە كولىك قۇرالىن تىركەۋ تۋرالى كۋالىكتى كورسەتكەن كەزدە تاۋلىگىنە 300 ليترگە دەيىن– ليترىنە 295 تەڭگە.
وسىلايشا، جۇرگىزۋشى كۋالىگى مەن كولىك قۇرالىن قازاقستان رەسپۋبليكاسىندا تىركەۋ تۋرالى كۋالىگى بار ازاماتتار ءۇشىن ججم باعاسى وزگەرىسسىز قالادى.
بۇيرىقتىڭ جوباسى بارلىق مۇددەلى تاراپتاردىڭ تالقىلاۋى مەن ۇسىنىستارى ءۇشىن "اشىق نقا" سايتىندا جاريالاندى. قورىتىندى شەشىم مۇددەلى تاراپتاردىڭ ۇسىنىستارىن ەسكەرە وتىرىپ، بارلىق راسىمدەر اياقتالعاننان كەيىن قابىلدانادى.
ق ر ەنەرگەتيكا مينيسترلىگى قازىرگى ۋاقىتتا ججم قورلارىن ءوندىرۋ، تيەۋ جانە تولىقتىرۋ ۇزدىكسىز جۇرگىزىلىپ جاتقانىن، ىشكى نارىقتا مۇناي ونىمدەرىنىڭ ەداۋىر قورى بار ەكەنىن، ججم-مەن قامتاماسىز ەتۋ جاعدايى تۇراقتى ەكەنىن حابارلايدى.