قازاق ەلىنە قۇرمەت ءبىلدىرىلدى!
شەشەنستاننىڭ حالىق ءارتىسى ەلينا مۋرتازوۆا قازاقشا ءان شىرقاپ، ەلدى ءتانتى ەتتى. ول قازاق ءۆالسىنىڭ كورولى ءشامشى قالداياقوۆتىڭ ايگىلى «انا تۋرالى جىر» ءانىن ورىنداپ، ۆيدەونىڭ كاۆەر نۇسقاسىن YouTube-قا جاريالادى، دەپ حابارلايدى Almaty-akshamy.kz Almaty.tv سىلتەمە جاساپ.
ۆيدەونىڭ تۇسىكتەمەسىندە: «انا... الەمنىڭ بارلىق تىلدەرىندە عاجاپ ەستىلەتىن ءسوز. شەشەنستان رەسپۋبليكاسىنىڭ حالىق ءارتىسى ەلينا مۋرتازوۆا بارشا انالارعا ارناپ وسى ءبىر جان تەبىرەنتەرلىك، اسەرلى ءاندى قازاق تىلىندە ورىندادى»، – دەپ جازىلعان.
وندا ەكى حالىقتىڭ اراسىن ۇزاق ۋاقىت بويى باۋىرلىق، دوستىق قارىم-قاتىناس بايلانىستىرىپ تۇرعانى اتاپ وتىلگەن.
«اتا-بابالارىمىزدىڭ تاريحى مەن باستان وتكەرگەن قيىنشىلىقتارى ءبىزدى بىرىكتىرەدى. شەشەن حالقى اۋىر كۇندەردى باستان كەشكەندە قازاقستان كومەك قولىن سوزدى»، – دەپ جازعان اۆتور.
ەلينا مۋرتازوۆا ءۇشىن قازاقستان ەكىنشى وتانى ىسپەتتى. ءانشى ءبىر كەزدەرى ءبىزدىڭ ەلدە تۇرعان.