استىق كولەمى جەتكىلىكتى!
اۋىل شارۋاشىلىعى مينيسترلىگىنىڭ مالىمەتىنشە، ەلىمىز بويىنشا كۇزدە جينالاتىن استىق ءتۇسىمى جاقسى بولادى دەپ كۇتىلۋدە، دەپ حابارلايدى Almaty-akshamy.kz.
بۇگىن بۇل جونىندە ق ر ۇكىمەتىنىڭ وتىرىسىندا اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەيەۆ بايانداما جاسادى. سونىمەن قاتار الداعى كۇزدىك ەگىن ورۋ ناۋقانى جونىندە ايتتى.
«وسىعان بايلانىستى، ءاربىر جاقسى كۇندى بارىنشا ءتيىمدى پايدالانۋ كەرەك. ەگىن جيناۋ تەحنيكاسىنىڭ ەكى اۋىسىمدىق جۇمىسىن ۇيىمداستىرۋ قاجەت. جۇمىستىڭ توقتاپ قالۋىنا جول بەرمەگەن ابزال. وسىنىڭ ءبارىن ەسكەرە كەلە، ونىمدىلىكتى ارتتىرۋ جونىندە شارالار قابىلداۋ قاجەت»، - دەدى ەربول قاراشوكەيەۆ.