كۇي دوداسى قۇرمانعازى اتىنداعى وركەستردە وتەدى.
بۇل تۋرالى ورتالىق كوممۋنيكاسيالار قىزمەتىندەگى بريفينگتە مادەنيەت جانە سپورت مينيسترلىگى مادەنيەت كوميتەتى ءتوراعانىڭ ورىنباسارى دانيار الييەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«16-23 قىركۇيەكتە 16-35 جاس ارالىعىنداعى كۇي سالاسىنىڭ بىلىكتى ماماندارى مەن جاستار قاتىسقان رەسپۋبليكالىق «شەرتپە كۇي» ءداستۇرلى مۋزىكا فەستيۆالى ءوز مەجەسىنە جەتەدى. اتاپ ايتقاندا، ول 3 جەلتوقساندا الماتى قالاسىندا قۇرمانعازى اتىنداعى وركەستردە قورىتىندىلانادى. باس جۇلدە - 1 ملن تەڭگە. ال، 1-ورىن - 750 مىڭ، 2-ورىن – 500 مىڭ، 3-ورىن – 300 مىڭ تەڭگە»، - دەدى دانيار الييەۆ.
سونىمەن قاتار، اتالعان فەستيۆالگە قاتىسۋشىلارعا ارنايى سىيلىقتار دا تابىستالادى.
كونكۋرستىڭ فينالىندا ب ا ق سىنايتىن 45 دومبىراشىنىڭ ونەرىنە جانعالي ءجۇزباي، سەكەن تۇرىسبەكوۆ، ءبىلال ىسقاقوۆ، مۇرات ابۋعازى جانە باتىرجان مىقتىبايەۆ سياقتى شەرتپە كۇيدىڭ مايتالماندارى قازىلىق ەتەدى.