وقيعا فەرعانا وبلىسىندا ورىن العان.
شەكاراشىلار زاڭ تالابىنا ساي كولىكتى تەكسەرۋ ءۇشىن توقتاتىپ، زاڭسىز اكەلىنگەن تاۋارلاردى انىقتاعان. ال كونترابانداشىلار بۇعان قارسىلىق تانىتىپ، شەكاراشىلار ولارعا قارسى وق جاۋدىردى، دەپ حابارلايدى اlmaty-akshamy.kz.
وقيعا 16 قازانعا قاراعان ءتۇنى بولعان. ۆاديل اۋىلىندا شەكاراشىلار كولىكتى توقتاتادى. سودان كەيىن، ءمان-جايدى انىقتاۋ ءۇشىن ەكى ازاماتقا شەكارا بەكەتىنە بارۋ كەرەكتىگى ايتىلادى. ءدال وسى كەزدە جان-جاقتاعى وزگە دە ادامدار جينالىپ، اسكەريلەرگە قارسىلىق كورسەتە باستايدى. ناتيجەسىندە اسكەري قىزمەتشىلەر مەن ازاماتتار اراسىندا جانجال تۋىندايدى. ەكى جاقتىڭ كۇشى تەڭ بولماعاندىقتان شەكاراشىلار زارداپ شەكتى. سوندىقتان اسكەريلەر ەسكەرتۋ رەتىندە بىرنەشە رەت وق اتۋعا ءماجبۇر بولدى، دەپ حابارلايدى ەلدىڭ شەكارا قىزمەتىنىڭ Telegram ارناسى.
الايدا شابۋىلشىلار شەگىنبەگەن. سوندىقتان شەكاراشىلار جينالعاندارعا قارسى وق جاۋدىرعان. سالدارىنان ەكى ازامات وقيعا ورنىندا قازا تاپتى.
ءقازىر بۇل ىسكە قاتىستى قۇقىق قورعاۋ ورگاندارى تەرگەۋ جۇرگىزىلىپ جاتىر.