شەكاراداعى اتىس

ازەربايجان قورعانىس مينيسترلىگىنىڭ مالىمەتىنشە، ارمەنيا اۋماعىنان ناحچىۆان اۆتونوميالىق رەسپۋبليكاسى باعىتىنداعى پوزيسيالارىنا وق اتىلعان، دەپ حابارلايدى اlmaty-akshamy.kz. 

«7 ءساۋىر كۇنى شامامەن ساعات 17:15-تە ارمەنيا قارۋلى كۇشتەرىنىڭ بولىمشەلەرى پاشالى اۋدانىنىڭ سۇلتانبەك ەلدى مەكەنى باعىتىندا ورنالاسقان پوزيسيالاردان ازەربايجان اسكەرىنىڭ شاحبۋز اۋدانى شادا ەلدى مەكەنى باعىتىندا ازەربايجان اسكەرىنىڭ ناحچىۆان اۆتونوميالىق رەسپۋبليكاسى شاحبۋز اۋدانىنداعى شادا ەلدى مەكەنىندەگى پوزيسيالارىنا وق اتىلدى»، - دەلىنگەن ۆەدومستۆو حابارلاماسىندا.

قورعانىس مينيسترلىگى مالىمدەمەسىندە ازەربايجان قارۋلى كۇشتەرىنىڭ جاۋاپ شارالارى قابىلدانعانى اتاپ كورسەتىلدى.

ارمەنيا تاراپى ازەربايجان پوزيسيالارىن اتقىلاعانى تۋرالى اقپاراتتى جوققا شىعارادى.

«ازەربايجاننىڭ قورعانىس مينيسترلىگى جالعان اقپارات تاراتۋدى جالعاستىرۋدا. ازەربايجان قورعانىس مينيسترلىگىنىڭ 7 ءساۋىر كۇنى ساعات 17:15-تە ارمەنيا قارۋلى كۇشتەرىنىڭ بولىمشەلەرى شەكارالىق ايماقتىڭ وڭتۇستىك-باتىس بولىگىندە ورنالاسقان ازەربايجان پوزيسيالارىنا وق جاۋدىردى دەگەن حابارى شىندىققا جاناسپايدى»، - دەلىنگەن ارمەنيا قورعانىس مينيسترلىگىنىڭ مالىمدەمەسىندە.