قازاقستان ءىىم ينتەرپول ۇلتتىق ورتالىق بيۋروسى كريمينالدىق پوليسيا قىزمەتكەرلەرىمەن بىرلەسىپ، الماتى قالاسىنىڭ حالىقارالىق اۋەجايىندا حالىقارالىق ىزدەۋدە جۇرگەن قحر ازاماتتارىن ۇستادى، دەپ حابارلايدى اlmaty-akshamy.kz.
پد مالىمەتىنشە، ۇستالعانداردىڭ ءبىرى قىتايدىڭ قۇقىق قورعاۋ ورگاندارىمەن ىزدەستىرىلگەن. ول حاربين قالاسى داولي اۋدانىنىڭ بازارىندا 100-دەن استام ساتۋشىدان اقشا بوپسالاعان.
"كۇدىكتى ۆەتنامنان شىعىپ، قازاقستانعا كاتار ارقىلى كىرمەك بولعان. ال ەكىنشى ەر ادامدى ساۋد ارابياسىنىڭ قۇقىق قورعاۋ ورگاندارى ەر-رياد قالاسىنداعى ايگىلى دۇكەندەردەن اسا ءىرى مولشەردە زەرگەرلىك بۇيىمداردى ۇرلاعانى ءۇشىن ىزدەۋگە جاريالاعان. كەلتىرىلگەن شىعىن 200 مىڭ اقش دوللارىنان اسادى."،- دەلىنگەن ۆەدومستۆا حابارلاماسىندا.
قازىرگى تاڭدا قىلمىسكەرلەر قاماۋعا الىندى، ولاردى ەكستراديسيالاۋ ماسەلەسى شەشىلىپ جاتىر.