قوستانايدا اۋىل شارۋاشىلىعى مينيسترلىگىنىڭ اگروينسپەكتورى پارا العانى ءۇشىن سوتتالدى
قوستانايدا اۋىل شارۋاشىلىعى مينيسترلىگى جانىنداعى اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسى دارحان ابدىكارىموۆكە سوت ۇكىمى شىقتى. ول بىرنەشە ميلليون تەڭگە كولەمىندە پارا العانى ءۇشىن ايىپتالعان، دەپ حابارلايدى aqshamnews.kz
بۇل وقيعا بيىلعى جازدا باستالدى. ماۋسىم ايىندا مەملەكەتتىك ينسپەكسيا كوميتەتىنىڭ ءتوراعاسى بولىپ تاعايىندالعان دارحان ابدىكارىموۆ لاۋازىمىن پايدالانىپ، زاڭسىز ارەكەتتەرگە بارعان. شەنەۋنىك ءبىر جاۋاپكەرشىلىگى شەكتەۋلى سەرىكتەستىك (سوتتا كومپانيانىڭ اتاۋى كورسەتىلمەدى) ديرەكتورىمەن شەگىرتكەگە قارسى پەستيسيدتەر جەتكىزۋ بويىنشا كەلىسىمشارتقا قول قويۋ ءۇشىن پارا الۋعا كەلىسكەن.
ماۋسىم ايىندا ابدىكارىموۆ دەلدال ارقىلى پارانىڭ العاشقى بولىگىن – 2 ميلليون تەڭگەنى العان. ەكى ايدان كەيىن سەرىكتەستەر قايتا كەزدەسىپ، كوميتەت باسشىسى قالعان 2،4 ميلليون تەڭگەنى العان.
بۇل قاراجات پەستيسيدتەردى 78 ميلليون تەڭگەگە ساتىپ الۋ كەلىسىمشارتىنا قول قويعانى ءۇشىن بەرىلگەن العىس رەتىندە قاراستىرىلعان.
سوت ابدىكارىموۆتى 3،5 جىلعا باس بوستاندىعىنان ايىرۋ تۋرالى ۇكىم شىعاردى. ال ج ش س ديرەكتورى ورتاشا قاۋىپسىزدىك دەڭگەيىندەگى كولونيادا 3 جىل جازاسىن وتەيتىن بولدى.