قازاقستاندىق ارالاس جەكپە-جەك شەبەرى شاۆكات راحمونوۆ (19-0) UFC رەيتينگىندە جارتىلاي ورتا سالماقتا رەسمي تۇردە ەكىنشى ورىنعا كوتەرىلدى، دەپ حابارلايدى aqshamnews.kz
بۇل جاڭالىق UFC جانكۇيەرلەرى مەن قازاقستاندىق سپورت سۇيەر قاۋىم ءۇشىن ماڭىزدى وقيعا بولدى.
شاۆكات راحمونوۆ يرلانديالىق يەن گەرريدى (15-1) جەڭگەننەن كەيىن، ۇشىنشىدەن ەكىنشى ورىنعا جوعارىلادى. بۇرىن ەكىنشى ورىنعا يە بولعان كامارۋ ۋسمان (20-4) رەيتينگتە ءبىر ساتىعا تومەن ءتۇسىپ، ءۇشىنشى ورىنعا ورنالاسقان. يەن گەرري بولسا جەتىنشى ورنىن ساقتاپ قالدى.
قازىرگى تاڭدا جارتىلاي ورتا سالماقتا UFC رەيتينگىنىڭ كوشىن بريتاندىق لەون ەدۆاردس (22-4) باستاپ تۇر. ال UFC چەمپيوندىق بەلبەۋى بەلال مۇحاممادتىڭ (24-3) ەنشىسىندە. بەلال مۇحامماد شاۆكات راحمونوۆپەن UFC 310 تۋرنيرىندە كەزدەسۋى ءتيىس بولعان، ءبىراق جاراقاتىنا بايلانىستى وسى جەكپە-جەكتەن باس تارتقان ەدى.
UFC پرەزيدەنتى دانا ۋايت بۇل اسا ماڭىزدى جەكپە-جەكتى كەلەر جىلى ۇيىمداستىرۋعا نيەتتى ەكەنىن حابارلادى، ال شاۆكات راحمونوۆتىڭ كارەراسى جاڭا بەلەستەرگە جەتىپ، الەمدىك ارەنادا ءوز ورنىن نىعايتۋدا.