جەكپە-جەك 15 قاڭتارعا اۋىزشا كەلىسىلگەن
قازاقستاندىق شاۆكات راحمونوۆ (16-0) UFC-دەگى كەلەسى جەكپە-جەگىن 15 قاڭتاردا وتكىزەدى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ESPN ءجۋرناليسى برەتتا وكاموتونىڭ مالىمەتىنشە، 27 جاستاعى راحمونوۆتىڭ قارسىلاسى 32 جاستاعى امەريكالىق دجەفف نيل (15-4) بولادى.
"دەرەككوزدەر اقپاراتىنا سۇيەنسەك، دجەفف نيل مەن شاۆكات راحمونوۆ اراسىنداعى جەكپە-جەك 15 قاڭتارعا اۋىزشا كەلىسىلگەن. رەيتينگتىڭ التىنشى جانە ونىنشى ءنومىرى جارتىلاي ورتا سالماقتا ءۇش راۋندتىق جەكپە-جەك وتكىزەدى"، - دەپ جازدى وكاموتو Twitter-پاراقشاسىندا.
راحمونوۆ كەيىنگى جەكپە-جەگىندە امەريكالىق نيل مەگنيدى جەڭگەن بولاتىن.