دۇيسەنبى كۇنى قازاقستاننىڭ باسىم بولىگىنە اۋقىمدى انتيسيكلون اسەر ەتەدى
قازگيدرومەت 10 قازانعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
دۇيسەنبى كۇنى قازاقستاننىڭ باسىم بولىگىنە اۋقىمدى انتيسيكلون اسەر ەتەدى. ەلدىڭ باسىم بولىگىندە جاۋىن-شاشىنسىز اۋا رايى كۇتىلەدى.
تەك ەلىمىزدىڭ شىعىس ايماكتارى سيكلون جىراسىنىڭ جانە سوعان بايلانىستى اتموسفەرالىق فرونتتاردىڭ ىقپالىندا بولعاندىقتان، جاۋىن-شاشىن (جاڭبىر، قار) جاۋادى.
رەسپۋبليكا بويىنشا كەي جەرلەردە جەلدىڭ كۇشەيۋى، وڭتۇستىكتە، وڭتۇستىك-باتىستا شاڭدى داۋىل، باتىستا، سولتۇستىكتە جانە ورتالىقتا تۇمان كۇتىلەدى.