ارالاس جەكپە-جەك شەبەرى قازاقستاندىق شاۆكات راحمونوۆ 7 جەلتوقسان كۇنى لاس-ۆەگاستاعى T-Mobile ارەنادا كەزدەسۋ وتكىزەدى.
ونىڭ قارسىلاسى – جارتىلاي ورتا سالماقتا UFC چەمپيونى امەريكاندىق بەلال مۋحامماد (24-3)، دەپ حابارلايدى aqshamnews.kz.
ايتا كەتەيىك، بەلال مۇحامماد 2023 جىلدىڭ شىلدەسىندە مانچەستەردە وتكەن UFC 304 تۋرنيرىندە لەون ەدۆاردستى تورەشىلەردىڭ ءبىرىڭعاي شەشىمىمەن جەڭىسكە جەتىپ، جارتىلاي ورتا سالماقتاعى UFC چەمپيونى اتاندى. وسىلايشا، راحمونوۆ UFC-دەگى العاشقى قازاقستاندىق چەمپيون اتانۋى مۇمكىن.
شاۆكات راحمونوۆ MMA-دا 18 جەكپە-جەك وتكىزىپ، ءبارىن ۋاقىتىنان بۇرىن جەڭگەن. ول سوڭعى جەكپە-جەگىن 2023 جىلى جەلتوقساندا لاس-ۆەگاس (اقش) قالاسىندا وتكىزىپ، امەريكالىق فايتەر ستيۆەن تومپسوندى ەكىنشى راۋندتا ۇتقان بولاتىن.