«تازا قازاقستان» رەسپۋبليكالىق ەكولوگيالىق اكسياسى اياسىندا ق ر ەكولوگيا جانە تابيعي رەسۋرستار ءمينيسترى ە.نىسانبايەۆ پەن وقۋ اعارتۋ ءمينيسترى ع.بەيسەنبايەۆ استانا قالاسىنداعى №103 مەكتەپتە بولدى، دەپ حابارلايدى aqshamnews.kz ەكولوگيا جانە تابيعي رەسۋرستار مينيسترلىگىنە سىلتەمە جاساپ.
ءوز سوزىندە ەكولوگيا ءمينيسترى ەكولوگيالىق مادەنيەت تۇجىرىمداماسىنىڭ ماقساتتارى مەن مىندەتتەرى، «تازا قازاقستان» رەسپۋبليكالىق ەكولوگيالىق اكسياسى، تۇرمىستىق قالدىقتاردى سۇرىپتاۋ ماڭىزدىلىعى، وتكىزىلىپ جاتقان ەكولوگيالىق ناۋقاندار جانە ت.ب. شارالاردى اتاپ ءوتتى.
شارا بارىسىندا «جاسىل دامۋ» اق وكىلدەرى جينالعاندارعا قالدىقتاردى جيناۋ جۇيەسىن كورسەتتى، مەكتەپتە فاندومات قۇرىلعىسى ورناتىلدى.
ەكى ءمينيستردىڭ قاتىسۋىمەن مەكتەپ الاڭىندا دا اعاش وتىرعىزۋ جۇمىستارى جۇرگىزىلدى.
ەكولوگيا جانە تابيعي رەسۋرستار مينيسترلىگى:
1) ەكولوگيالىق بىلىمگە كىرىسپە؛
2) قالدىقتاردى سۇرىپتاۋ نەگىزدەرى؛
3) قورشاعان ورتانى قۇرمەتتەۋ: تابيعاتتى ايالاۋ، جانۋارلاردى قورعاۋ؛
4) ەكوتۋريزم تاقىرىپتارى بويىنشا گەيميفيكاسياسى بار بەينەروليكتەر دايىندادى.
الداعى ۋاقىتتا بۇل بەينەروليكتەر «جاسىل كلۋبتار» اياسىندا بارلىق وقۋ ورىندارىندا كورسەتىلەتىن بولادى.