قىتايدىڭ شاۋەشەك قالاسىنداعى ءار ۇلتتان قۇرالعان باستاۋىش مەكتەپتىڭ وقۋشىلارى ءابدىمومىن جەلدىبايەۆتىڭ «ەركە سىلقىم» كۇيىن ورىندادى.
حالىقارالىق بالالار قۇقىعىن قورعاۋ كۇنىنە وراي ۇيىمداستىرىلعان توپتىق كۇي باستالاردان بۇرىن بالالار ءوز اتى-جوندەرىن جانە قاي ۇلتتىڭ وكىلى ەكەنىن ايتقان، دەپ حابارلايدى Almaty-akshamy.kz قازاقپاراتقا سىلتەمە جاساپ.
شىن شۋو، ۋان سى سۋن، تۋن لينلين، يان شيني قاتارلى بالالار وزدەرىنىڭ حانزۋ (جۇڭگو) ەكەنىن ايتسا، مينا ەسىمدى قىز دۇنگەن ۇلتىنىڭ وكىلىمىن دەپ تانىستىرادى. ال تاعى ءبىر بالا ءوزىن ورىسپىن دەسە، ەندى ءبىر ءجاسوسپىرىم ءوزىنىڭ قىرعىز ەكەنىن ايتادى.
«ءبىز شاۋەشەك قالاسى 5-باستاۋىش مەكتەپ وقۋشىلارىمىز. بالالار مەرەكەسى قۇتتى بولسىن!» - دەپ باستايدى كۇيلەرىن ءار ۇلت وكىلدەرىنەن قۇرالعان كۇيشى جەتكىنشەكتەر.