تاۋلى ايماقتارعا شىقپاۋعا شاقىردى.
الماتى قالاسىنىڭ توتەنشە جاعدايلار دەپارتامەنتى تاۋلى ايماقتاردا اۋا رايىنىڭ كۇرت ناشارلايتىنىن ەسكەرتتى، دەپ حابارلايدى Almaty-akshamy.kz.
ماماندار تۋريستەرگە جانە تاۋدا سەرۋەندەۋ اۋەسقويلارىنان جاقىن كۇندەرى تاۋلى ايماقتارعا شىقپاۋدى سۇرادى.
«2 ماۋسىمدا الماتى تاۋلارىندا جەلدىڭ ەكپىنى سەكۋندىنا 15-20 مەترگە جەتەدى. 3 ماۋسىمدا قاتتى جاڭبىر، بيىك تاۋلى ايماقتاردا قار كۇتىلەدى. كەي جەرلەردە نايزاعاي ويناپ، بۇرشاق جاۋادى. جەلدىڭ ەكپىنى سەكۋندىنا 23-28 مەترگە جەتەدى»، - دەپ ەسكەرتتى الماتى قالالىق تجد.
توتەنشەلىكتەر تۇرعىنداردان «112» سيگنالدارىنا، دابىلدارعا جانە بۇقارالىق اقپارات قۇرالدارى ارقىلى جىبەرىلگەن قاۋىپسىزدىك حابارلامالارىنا نازار اۋدارۋدى سۇرادى.