ءار تال شاش كۇنىنە شامامەن 0،35 ميلليمەتر وسەدى. جىلىنا 12 سانتيمەترگە ۇزارسا، سوندا ءومىرىنىڭ سوڭىنا دەيىن 7،6 مەتردى قۇرايتىن كورىنەدى.
ءبىر شاشتىڭ ءوزى 100-دەن 200 گرامعا دەيىنگى سالماقتاعى زاتتى ۇستاپ تۇرۋعا قاۋقارلى. شاش كوبىنە كوكتەم مەن جازدا تەز وسەدى ەكەن.
بالانىڭ شاشى اناسىنىڭ قۇرساعىندا جاتقاندا-اق وسە باستايدى. شامامەن، جۇكتىلىكتىڭ 4ء-شى ايىندا شارانانىڭ باسىنا شاش شىعادى ەكەن. شاشتىڭ قالىڭ، جۇقا نەمەسە بۇيرا بولۋى ادامنىڭ تەگىنەن. شاشىمىز ءتۇسىپ، جۇقارىپ قالسا، بۇل تاماقتانۋ جانە ءومىر ءسۇرۋ سالتىمىزعا بايلانىستى بولادى ەكەن.
دنق-نى انىقتاۋ ءۇشىن ادامنىڭ شاشىن دا پايدالاناتىنىن بىلەمىز. ءيا، شاش شىنىمەن دە گەنەتيكالىق اقپارات بەرەتىن ەلەمەنت. ول ارقىلى تۋىستىقتى انىقتاۋعا نەمەسە الدەبىر قىلمىستى اشۋعا بولادى. اناليز ءۇشىن قيىپ الىنعان شاش جارامايدى، تۇبىنەن جۇلۋ كەرەك. ويتكەنى، دنق شاشتىڭ تۇبىندە، وزەگىندە بولاتىن كورىنەدى، كەمىندە بەس تالىن تۇبىنەن جۇلىپ الۋ جەتكىلىكتى دەسەدى.