«قازسۋشار» فيليالدارى سۋارۋ ماۋسىمىندا ەلىمىزدىڭ شارۋالارىنا 6،12 ملرد تەكشە مەتر سۋ بەردى.
بۇگىنگى تاڭدا ديحاندارمەن سۋارمالى سۋ بەرۋ تۋرالى 23 886 كەلىسىمشارت جاسالعان، دەپ حابارلايدى aqshamnews.kz سۋ رەسۋرستارى جنە يرريگاسيا مينيسترلىگىنە سىلتەمە جاساپ.
وسىعان دەيىن سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ وزبەكستان تاراپىمەن جارتى جىلدا ەلىمىزگە سىرداريا وزەنى ارقىلى 3،7 ملرد تەكشە مەتر سۋ جىبەرۋ تۋرالى كەلىسىمگە كەلگەن بولاتىن. سۋارۋ كەزەڭىنىڭ سوڭىنا دەيىن وزبەك تاراپى تاعى 500 ملن تەكشە مەتر سۋ جىبەرەدى.
ال، شۋ-تالاس سۋ شارۋاشىلىعى كوميسسياسىنىڭ 33ء-شى وتىرىسىندا قازاقستانعا قىرعىزستاننان شۋ وزەنى ارقىلى 180 ملن تەكشە مەتر جانە تالاس وزەنىمەن 380 ملن تەكشە مەتر سۋ بەرۋ تۋرالى ۋاعدالاستىققا قول جەتكىزىلدى.
«ەلىمىزدىڭ بارلىق ايماعىنداعى شارۋالارعا تۇراقتى تۇردە سۋ بەرىلىپ جاتىر. بيىل سۋارمالى سۋدىڭ جەتىسپەۋشىلىگى بايقالمايدى. اۋىل شارۋاشىلىعىن تۇراقتى سۋمەن قامتاماسىز ەتۋ ءۇشىن ۆەگەتاسيا كەزەڭىنە دەيىن دە كوپ جۇمىس اتقارىلدى. سۋ ديپلوماتياسى كۇشەيتىلدى، وسىنىڭ ارقاسىندا ەلىمىزدىڭ وڭتۇستىگىندەگى شارۋالار قاجەتتى سۋ كولەمىن الدى. كەيبىر شارۋا قوجالىقتارى ەكىنشى مارتە ءونىم جيناۋعا دايىندالىپ جاتىر»،- دەدى سۋ رەسۋرستارى جانە يرريگاسيا ۆيسە-مينيسترى نۇرلان الدامجاروۆ.