الماتى وبلىسىندا كوشى-قون ەرەجەسىن بۇزعان 175 شەتەلدىك انىقتالدى

الماتى وبلىسىندا كوشى-قون ەرەجەسىن بۇزعان 175 شەتەلدىك انىقتالدى  سۋرەت: Polisia.kz

وتكەن دەمالىس كۇندەرى الماتى وبلىسىنىڭ پوليسەيلەرى كوشى-قون زاڭناماسىن بۇزعان ازاماتتاردى انىقتادى.

پوليسيا قىزمەتكەرلەرى قاراساي اۋدانىنىڭ اۋماعىندا ورنالاسقان ءۇش كىرپىش زاۋىتى مەن “التىن وردا” ساۋدا-لوگيستيكالىق ورتالىعىن تەكسەردى، دەپ حابارلايدى aqshamnews.kz Polisia.kz-كە سىلتەمە جاساپ. 

– ناتيجەسىندە ق ر كوشى-قون سالاسىنداعى زاڭنامانى بۇزعانى ءۇشىن 175 شەتەل ازاماتى جاۋاپكەرشىلىككە تارتىلىپ، ونىڭ ىشىندە جەكە باسىن كۋالاندىراتىن قۇجاتتارى جوق بولعاندىقتان 95 ادام قابىلداۋ-تاراتۋ ورنىنا جەتكىزىلدى، – اتاپ ءوتتى وبلىستىق كوشى-قون قىزمەتى باسقارماسىنىڭ باستىعى رۇستەم جارىقباسوۆ. 

ستاتيستيكا كورسەتكەندەي، شەتەلدىك ازاماتتاردىڭ كوپشىلىگى ق ر اۋماعىنا جۇمىس ىستەۋ ءۇشىن كىرگەن. ولاردى ەڭبەك قىزمەتىنە تارتۋ ماسەلەلەرى زاڭنامامەن رەتتەلگەن، وسىعان بايلانىستى ءتارتىپ ساقشىلارى كوشى-قون زاڭناماسىنىڭ تالاپتارىن مۇلتىكسىز ساقتاۋ قاجەتتىگىن ەسكە سالادى. 

– وتانداستارىمىزدىڭ تاراپىنان قابىلداۋشى تۇلعالار كوشى-قون قىزمەتىنە شەتەلدىكتىڭ كەلگەنى تۋرالى حابارلاۋعا مىندەتتى ەكەنىن ەسكە سالامىز. ق ر ۇكىمەتىنىڭ 2012 جىلعى 21 قاڭتارداعى №148 قاۋلىسىمەن بەكىتىلگەن “قازاقستان رەسپۋبليكاسىندا كوشىپ كەلۋشىلەردىڭ كەلۋى مەن بولۋ قاعيدالارىنىڭ” 9-تارماعىنا سايكەس شەتەلدىك ازاماتتاردى قابىلدايتىن جەكە جانە زاڭدى تۇلعالار وزدەرىندە بولىپ جۇرگەن كوشىپ كەلۋشىلەر تۋرالى ىشكى ىستەر ورگاندارىن حاباردار ەتۋگە مىندەتتى. بۇل حابارلاما مىندەتتى تۇردە شەتەل ازاماتى كەلگەن كۇننەن باستاپ ءۇش جۇمىس كۇنى ىشىندە بەرىلەدى. كورسەتىلگەن مەرزىمدى وتكىزىپ العان جانە شەتەلدىكتەردىڭ بولۋى تۋرالى ىشكى ىستەر ورگاندارىنا حابارلاماعان جاعدايدا، قازاقستاندا قابىلداۋشى جەكە جانە زاڭدى تۇلعا اقبتك بويىنشا جاۋاپقا تارتىلاتىنىن ەسكەرتەمىن. جەكە جانە زاڭدى تۇلعالار يمميگرانتتىڭ كەلگەنى تۋرالى تىكەلەي “e-Qonaq” ەلەكتروندىق ۆيزالىق-كوشى-قون پورتالى ارقىلى حابارلاي الادى، – دەپ تولىقتىردى ر. جارىقباسوۆ.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

20:50

16:38

16:35

15:52

15:47

14:49

14:11

12:19

11:48

11:32

11:07

10:21

20:29

20:25

18:55

18:00

17:47

17:37

17:20

17:11

17:10

16:21

16:09

15:51

15:18