2024 جىلى كوكتەمگى ەگىس جانە ەگىن جيناۋ جۇمىستارىنا العاش رەت 5% جەڭىلدىكپەن 400 ملرد تەڭگە كولەمىندە قوسىمشا قاراجات ءبولىندى.
نەسيەلەر «كەڭ دالا-2» باعدارلاماسى بويىنشا ءبولىنىپ، «اگرارلىق نەسيە كورپوراسياسى» اق فيليالدارى، نەسيە سەرىكتەستىكتەرى جانە ەكىنشى دەڭگەيلى بانكتەر ارقىلى ىسكە اسىرىلادى، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
2021 جىلدان باستاپ باعدارلاما وپەراتورى – «اگرارلىق نەسيە كورپوراسياسى» اق ارقىلى كوكتەمگى ەگىس جانە ەگىن جيناۋ جۇمىستارىن تىكەلەي جەڭىلدەتىلگەن نەسيەلەندىرۋگە 140 ملرد تەڭگە كولەمىندە بيۋدجەت قاراجاتى ءبولىنىپ كەلگەن. «ازىق-تۇلىك كورپوراسياسى» ۇك» اق ارقىلى فورۆاردتىق ساتىپ الۋ باعدارلاماسىن جۇزەگە اسىرۋعا تاعى شامامەن 40 ملرد تەڭگە قاراستىرىلعان. ەگىندى نەسيەلەندىرۋگە بارلىعى 180 ملرد تەڭگە ءبولىندى.
قارجىلاندىرۋدىڭ قوسىمشا كولەمدەرى.
بيىلعى جىلى قولدا بار قارجىلاندىرۋ كولەمىنە «كەڭ دالا-2» باعدارلاماسى بويىنشا قوسىمشا 400 ملرد تەڭگە تارتۋ مۇمكىندىگى بار. بۇل ماقساتقا «بايتەرەك» ۇبح» اق جەلىسى بويىنشا 300 ملرد تەڭگە تارتىلادى.
اۋىل شارۋاشىلىعى تاۋار وندىرۋشىلەرى جىلدىق 5 پايىزدىق مولشەرلەمەمەن نەسيە الا الادى. نەسيە مەرزىمى – 12 ايعا دەيىن. «كەڭ دالا-2» باعدارلاماسىنا وتىنىشتەر 29 ساۋىردەن باستاپ قابىلدانۋدا.
بۇگىنگى تاڭدا 600-دەن استام شارۋا قوجالىعى جالپى سوماسى 46،6 ملرد تەڭگەگە ءوتىنىم بەردى، بۇل 425 مىڭ گەكتار ەگىس القابىن نەسيەمەن قامتۋعا مۇمكىندىك بەرەدى. بەلسەندى جۇمىس جالعاسۋدا، انك فيليالدارى وتىنىشتەردى دەمالىس كۇندەرى دە سەنبى جانە جەكسەنبى دە قابىلدايدى.
قولدانىستاعى تەتىكتەرگە وزگەرىستەر.
ق ر اۋىل شارۋاشىلىعى مينيسترلىگى جەڭىلدىكتى نەسيەلەندىرۋدىڭ قوسىمشا كولەمىن قامتاماسىز ەتۋ ءۇشىن سۋبسيديالاۋدىڭ قولدانىستاعى تەتىكتەرىنە وزگەرىستەر ەنگىزۋدى كوزدەيدى.
بىرىنشىدەن، فەرمەرلەر 5 پايىزدان اسپايتىن جەڭىلدىك مولشەرلەمەسى بويىنشا نەسيە الادى، بۇل پايىزدىق مولشەرلەمەنى سۋبسيديالاۋعا قاراجاتتىڭ بولۋىنا بايلانىستى ەمەس.
ەكىنشىدەن، نەسيەلەر بويىنشا كەپىلدى قامتاماسىز ەتۋ جاعدايىن جاقسارتۋ ءۇشىن نەسيە شارتى سوماسىنىڭ 85% مولشەرىندە كەپىلدىك تەتىگى قاراستىرىلعان.
بيۋدجەت قاراجاتى
نەسيەلەردى ارزانداتۋ ءۇشىن جانە كەپىلدىك بەرۋ تەتىگىنە رەسپۋبليكالىق بيۋدجەتتەن 60 ملرد تەڭگە، ونىڭ ىشىندە كۋپوندىق سىياقىنى سۋبسيديالاۋعا - 45 ملرد تەڭگە، قارىزداردى كەپىلدەندىرۋگە - 15 ملرد تەڭگە، سونداي-اق جەرگىلىكتى بيۋدجەتتەردىڭ قاراجاتى ەسەبىنەن 37،3 ملرد تەڭگە بولىنەدى.
كەپىلدى قامتاماسىز ەتۋ
قارىز الۋشى «دامۋ» كاسىپكەرلىكتى دامىتۋ قورى» اق-دان كەپىلدىك الۋعا، ال قارىزدىڭ قالعان سوماسىنا جانە سىياقىعا «اگرارلىق نەسيە كورپوراسياسى» اق-نىڭ كەپىلدىك ساياساتىنىڭ تالاپتارىنا سايكەس قامتاماسىز ەتۋدى ۇسىنۋعا قۇقىلى. نەمەسە قارىزدىڭ تولىق سوماسىنا انك كەپىل ساياساتىنىڭ تالاپتارىنا جاۋاپ بەرەتىن كەپىلدى قامتاماسىز ەتۋ. ەكىنشى دەڭگەيلى بانك ارنالارى بويىنشا قارجىلاندىرۋ كەزىندە ەكىنشى دەڭگەيلى بانكتەردىڭ كەپىل ساياساتى قولدانىلادى.