بۇگىنگى تاڭدا 40 ملرد تەڭگەدەن استام سوماعا 162 ءوتىنىم كەلىپ تۇسكەن.
قازاقستان ۇكىمەتى اۋىل شارۋاشىلىعى ءونىمىن فورۆاردتىق ساتىپ الۋ باعدارلاماسى اياسىندا قارجىلاندىرۋدى باستادى، دەپ حابارلايدى Almaty-akshamy.kz.
«2022 جىلعى 14 قاڭتاردا ازىق-تۇلىك كورپوراسياسى 2022 جىلعى ەگىننىڭ اۋىل شارۋاشىلىعى ءونىمىن فورۆاردتىق ساتىپ الۋ باعدارلاماسى شەڭبەرىندە قارجىلاندىرۋدىڭ باستالعانى تۋرالى جاريالادى. 2022 جىلعى 31 قاڭتارداعى جاعداي بويىنشا، اقمولا، شىعىس قازاقستان، قوستاناي جانە سولتۇستىك قازاقستان وبلىستارىنىڭ اۋىل شارۋاشىلىعى تاۋار وندىرۋشىلەرىنەن 40 ملرد تەڭگەدەن استام سوماعا 162 ءوتىنىم كەلىپ ءتۇستى»، - دەلىنگەن اشم باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، 2022 جىلعى ەگىننىڭ اۋىل شارۋاشىلىعى ءونىمىن فورۆاردتىق ساتىپ الۋ باعدارلاماسىن ىسكە اسىرۋعا 80 ملرد.تەڭگە جۇمساۋ جوسپارلانىپ وتىر، بۇل وتكەن جىلعى مولشەردەن 2 ەسە ارتىق.
سونداي-اق، ساتىپ الىناتىن داقىلداردىڭ تىزبەسى جۇمساق بيداي، قاتتى بيداي، ارپا، س ۇلى، كۇنباعىس، زىعىر، راپس، سويا، قاراقۇمىق جانە جۇگەرى سياقتى ون اتاۋعا دەيىن كەڭەيتىلەتىن بولادى.
فورۆاردتىق ساتىپ الۋعا قاتىسۋ ءۇشىن الەۋەتتى ءونىم بەرۋشىلەردىڭ وتىنىمدەرى ازىق-تۇلىك كورپوراسياسىنىڭ ەلەكتروندىق رەسۋرسىندا قابىلدانادى.