جاڭا ەرەجە سارسەنبى كۇنى كۇشىنە ەنەدى
1 ماۋسىمنان باستاپ قىتايدىڭ شانحاي مەگاپوليسىندە انتيكوۆيدتىك شارالار جەڭىلدەيدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
COVID-19 پروفيلاكتيكا جانە باقىلاۋ شتابى مالىمەتىنشە، شانحايدا تۇرعىن ءۇي كەشەندەرىنىڭ تۇرعىندارى ءۇشىن شەكتەۋلەر الىنىپ جاتىر. ورتا جانە جوعارى ەپيدەميولوگيالىق ءقاۋىپ ايماعىنداعى تۇرعىندارعا ءالى دە سىرتقا شىعۋعا رۇقسات جوق. جاڭا ەرەجە سارسەنبى كۇنى كۇشىنە ەنەدى. قوعامدىق كولىك جۇمىسى (اۆتوبۋستار، پارومدىق قاتىناس، تاكسي قىزمەتى) قالپىنا كەلتىرىلىپ جاتىر. قالا ىشىندە قوزعالۋ ءۇشىن جەكە اۆتوكولىكتەردى قولدانۋعا رۇقسات بەرىلەدى. شانحاي بيلىگى قالا تۇرعىندارىن جەكە قورعانىس شارالارىن ساقتاۋعا، قوعامدىق ورىنداردا ماسكا تاعۋعا، الەۋمەتتىك قاشىقتىق ساقتاۋعا، سونداي-اق كوروناۆيرۋسقا قارسى ۆاكسينا الۋعا شاقىرادى. ەسكە سالايىق، ناۋرىز ايىنىڭ سوڭىنان بەرى شانحايدىڭ بىرنەشە اۋدانى لوكداۋن ەنگىزە باستادى. ءبىرىنشى ساۋىردەن باستاپ بۇكىل مەگاپوليس جابىلدى.