ۇكىمەت باسشىلارى ءتۇرلى سالالاردى دامىتۋدى تالقىلادى
ماسكەۋدە ق ر پرەمەر-مينيسترى ءاليحان سمايىلوۆ رف ۇكىمەتىنىڭ ءتوراعاسى ميحايل ميشۋستينمەن كەزدەستى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ءاليحان سمايىلوۆ بيىلعى بارلىق نەگىزگى ءىس-شارالار ەكى ەل اراسىنداعى ديپلوماتيالىق قاتىناستىڭ ورناعانىنا 30 جىل تولۋىنا وراي ءوتىپ جاتقانىن ەسكە سالدى.
«ۇقشۇ-عا مۇشە مەملەكەت باسشىلارىنىڭ مەرەيتويلىق وتىرىسى اياسىندا پرەزيدەنتتەرىمىزدىڭ جاقىندا وتكەن كەزدەسۋى بارىسىندا ستراتەگيالىق ىنتىماقتاستىقتى ۇدەمەلى دامىتۋ ءۇشىن ماڭىزدى باعدارلار بەلگىلەندى»، - دەدى ول.
پرەمەر-مينيستر قازاقستان ۇكىمەتى رەسەيمەن بارلىق باعىتتار بويىنشا ءوزارا ءتيىمدى ىنتىماقتاستىقتى تەرەڭدەتۋگە جانە نىعايتۋعا نيەتتى ەكەنىن اتاپ ءوتتى.
«ءبىزدىڭ الدىمىزدا ساۋدا مەن ينۆەستيسيالاردى ودان ءارى نىعايتۋ مىندەتى تۇر. رەسەي فەدەراسياسى قازاقستاننىڭ نەگىزگى ساۋدا-ەكونوميكالىق سەرىكتەسى. ءبىز ءوزارا تاۋار اينالىمىنىڭ وتكەن جىلدىڭ قورىتىندىسى بويىنشا ۇشتەن بىرگە وسكەنىن جانە رەكوردتىق كورسەتكىش 24 ملرد دوللارعا جەتكەنىن اتاپ وتتىك. وسى جىلى دا وڭ ديناميكا ساقتالۋدا - ءتورت ايدا تاۋار اينالىمى ءوسىپ، 7،2 ملرد دوللاردى قۇرادى»، - دەدى ءا.سمايىلوۆ.
«ءبىز دوستىعىمىزدى، قازاقستانمەن وداقتاستىعىمىزدى باعالايمىز. ءبىز باسىم مىندەت رەتىندە، ونىڭ ىشىندە قازاقستانمەن ساۋدا-ەكونوميكالىق ىنتىماقتاستىقتى كەڭەيتۋدى قاراستىرىپ وتىرمىز»، - دەدى ميحايل ميشۋستين.
«ءوڭىرارالىق جانە ينۆەستيسيالىق ىنتىماقتاستىقتى بەلسەندى دامىتۋدى ۇسىنامىز. جيناقتالعان رەسەيلىك تىكەلەي ينۆەستيسيالار سوڭعى 15 جىلدا 15 ملرد دوللاردى قۇرادى. قوسىمشا مۇمكىندىكتەردى وسى جىلدىڭ شىلدە ايىندا ەكاتەرينبۋرگتە وتەتىن يننوپروم كورمەسى اشادى دەپ ويلايمىن. ءبىز قازاقستاننىڭ وسى جىلى كورمەنىڭ ارىپتەس ەلى رەتىندە قاتىساتىنىنا وتە قۋانىشتىمىز»، - دەدى م.ميشۋستين.
كەزدەسۋ اياسىندا ۇكىمەت باسشىلارى ەكىجاقتى ساۋدا-ەكونوميكالىق ىنتىماقتاستىقتىڭ وزەكتى ماسەلەلەرىن، سونىڭ ىشىندە ەنەرگەتيكا، كولىك ينفراقۇرىلىمى، ءبىلىم، عىلىم، مادەنيەت جانە باسقا دا سالالارداعى كووپەراسيانى دامىتۋدى تالقىلايدى.