كىشى الماتى وزەنى باسسەينىندە شاڭعىشىلار قار كوشكىنىنىڭ جۇرۋىنە سەبەپ بولدى.
بۇل تۋرالى قالالىق توتەنشە جاعدايلار دەپارتامەنتى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«23 قاڭتاردا "قازسەلدەنقورعاۋ" ماماندارى كىشى الماتى وزەنى الابىن زەرتتەۋ بارىسىندا №21 «سارقىرامادا» شاڭعىشىلاردىڭ سىرعاناعانىن انىقتادى. ولار قار كوشكىنىن تۋدىرعان. جالپى ماسساسى 500 تەكشە مەتر قار تاۋ بەتكەيىندە توقتاعان. قازا بولعاندار، زارداپ شەككەندەر جوق»،- دەپ حابارلادى ۆەدومستۆودان.
وسىعان بايلانىستى «قازسەلدەنقورعاۋ» مەن الماتى قالاسىنىڭ توتەنشە جاعدايلار دەپارتامەنتىنىڭ ماماندارى شاڭعى جانە سنوۋبوردپەن سىرعاناۋدى ۇناتاتىندارعا شاڭعى كۋرورتتارى مەن بازالارداعى ارنايى بولىنگەن جەرلەردە سىرعاناۋعا كەڭەس بەردى.
جىل باسىنان بەرى تاۋلاردىڭ جابىق ۋچاسكەلەرىندە جانە ادام وتپەيتىن جەرلەردە 25 مارتە وزدىگىنەن قار كوشكىنى بولدى. ونىڭ جالپى كولەمى 35 مىڭ تەكشە مەتر. ابىروي بولعاندا، قۇرباندار مەن زارداپ شەككەندەر جوق.