كەلەسى ىرىكتەۋ كەزەڭ ەرتەڭ 5 اقپاندا وتەدى
قىسقى وليمپيادا ويدىندارىندا شاڭعىمەن تۇعىردان سەكىرۋ سپورتى بويىنشا ىرىكتەۋ سىندارى باستالدى. اتالعان سانات بويىنشا قازاقستان قۇراماسىنان ەكى سپورتشى جارىس جولىنا شىقتى، دەپ حابارلايدى Almaty-akshamy.kz Olympic.kz-كە سىلتەمە جاساپ.
ەرلەر اراسىندا ورتاشا ترامپليندە وتكەن دوداعا سەرگەي تكاچەنكو مەن دانيل ۆاسيليەۆ قاتىستى. قوس قازاقستاندىق اتلەت تە كەلەسى اينالىمعا جولداما الدى.
سەرگەي تكاچەنكونىڭ بۇگىنگى جاتتىعۋى 43.1 ۇپايمەن باعالانسا، دانيل ۆاسيليەۆ 46.2 ۇپايىنا يە بولدى.
كەلەسى ىرىكتەۋ كەزەڭ ەرتەڭ، 5 اقپان كۇنى ەلوردا ۋاقىتىمەن ساعات 17:00-دە باستالادى.
ايتا كەتەرلىگى، بۇگىنگى سايىسقا 53 سپورتشى قاتىستى. ەرەجەگە سايكەس، 50 سپورتشى كەلەسى كەزەڭگە وتەدى.