تاعى ءبىر سپورتشىمىز ەۆگەنيي ۆەليچكو جارىستى اياقتاي العان جوق
بەيجىڭ وليمپياداسىندا شاڭعىمەن جارىسۋدان ەرلەر اراسىنداعى سكياتلون (15 شاقىرىم كلاسسيكالىق ءادىس + 15 شاقىرىم ەركىن ءادىس) باسەكەسى اياقتالدى، دەپ حابارلايدى Almaty-akshamy.kz Olympic.kz سايتىنا سىلتەمە جاساپ.
30 شاقىرىمعا سوزىلعان جارىسقا قازاقستان اتىنان ەكى شاڭعىشى قاتىسقان بولاتىن. قازاقستاندىق ۆيتاليي پۋحكالوۆ ءتورت جىل بۇرىنعى ناتيجەسىن قايتالاپ، 32ء-شى ورىنعا تۇراقتادى. ول جەڭىمپازدان 7 مينۋت 35 سەكۋندقا قالىپ قويعان.
تاعى ءبىر سپورتشىمىز ەۆگەنيي ۆەليچكو جارىستى اياقتاي العان جوق.
سكياتلوننان وليمپيادا چەمپيونى اتاعىن رەسەيلىك الەكساندر بولشۋنوۆ جەڭىپ الدى. كۇمىس مەدالدى ونىڭ وتانداسى دەنيس سپيسوۆ يەلەنسە، قولا مەدالدى فينليانديالىق ييۆو نيسكونەن ەنشىلەدى.