جاپوندىق The Asahi Globe ولگا رىپاكوۆانىڭ توكيو وليمپياداسىنداعى كوستيۋمىن ەسكە سالدى
بەيجىڭدەگى قىسقى وليمپيادا ويىندارى سالتاناتتى تۇردە اشىلدى. بەيجىڭ ويىندارىنىڭ رەسمي اشىلۋى الەمگە «قۇس ۇياسى» اتىمەن تانىلعان ۇلتتىق ستاديوندا ءوتتى. مۇندا قىسقى جانە جازعى ويىنداردىڭ اشىلۋ ءراسىمى ۇيىمداستىرىلعان، دەپ حابارلايدى Almaty-akshamy.kz olympic.kz سايتىنا سىلتەمە جاساپ.
اشىلۋ سالتاناتىنىڭ ەڭ ەستە قالارلىق ساتتەرىنىڭ ءبىرى – قازاقستان كومانداسىنىڭ تۋ ۇستاۋشىلارى ەكاتەرينا ايدوۆا مەن ابزال اجىعالييەۆتىڭ ساق پاتشايىمى مەن قازاق باتىرى كەيپىندە ورتاعا شىعۋى ەدى. ءبىزدىڭ اتلەتتەردىڭ كوستيۋمى الەم نازارىن تاعى دا وزىنە اۋداردى. كوپتەگەن شەتەلدىك باسىلىمدار ءبىزدىڭ سپورتشىلار كوستيۋمىنىڭ ءستيلى مەن ەرەكشەلىگىنە ءجيى توقتالعان.
تۋ ۇستاۋشىلاردىڭ فورماسىن ءسوز قىلعان حالىقارالىق باسىلىمدار ءتۇس ۇيلەسىمى مەن ستيلگە باسا ءمان بەرەدى. ماسەلەن، بريتاندىق The Guardian باسىلىمى وليمپيادانىڭ اشىلۋىنداعى 11 ەرەكشە ساتكە توقتالىپ، ولاردىڭ قاتارىندا قازاقستاندىق دەلەگاسيانى دا قوسقان.
«قازاقستاندىق كونكيشى ەكاتەرينا ايدوۆا وزگە ەلدەردىڭ كوستيۋمگە قاتىستى ويىن تاس-تالقان ەتتى. سونداي-اق قازاقستاندىق كوماندا شارفتارىن ءتۇسىرىپ، كوپشىلىككە بۇلعادى»، - دەپ جازدى باسىلىم.
جاپوندىق The Asahi Globe ولگا رىپاكوۆانىڭ توكيو وليمپياداسىنداعى كوستيۋمىن ەسكە سالدى.
«4 اقپان كۇنى وتكەن بەيجىڭ وليمپياداسىنىڭ اشىلۋ سالتاناتىندا قازاقستان كومانداسىنىڭ تۋ ۇستاۋشىلارى تاعى دا كەرەمەت ۇلتتىق كوستيۋمدە شىعىپ، الەۋمەتتى جەلى نازارىن اۋداردى. وتكەن جىلعى توكيو وليمپياداسىندا وگا رىپاكوۆا جارقىراعان اق كويلەك كيىپ، الەم جانكۇيەرلەرى ونى «قازاقستان حانشايىمى» دەپ اتاعان ەدى. ەكى سپورتشى ەل الدىنا شىققاندا، الەمدەگى تۆيتتەر قولدانۋشىلارى كوستيۋمدەردىڭ ادەمىلىگىن ءسوز ەتتى. سونداي-اق جەلى قولدانۋشىلارى كوستيۋمدەردىڭ تۇستەرىن ەرەكشە اتاپ وتكەن»، - دەپ جازدى قولدانۋشىلار.
امەريكالىق The Insider باسىلىمى قازاقتاندىق تۋ ۇستاۋشىلاردىڭ كوستيۋمىن «درامالىق» دەپ اتادى.
«تۋ ۇستاۋشىلار ەكاتەرينا ايدوۆا مەن ابزال اجىعالييەۆ قازاقستاندى ارەناعا درامالىق قارا كيىمدەرمەن الىپ شىقتى. ولاردىڭ سوڭىنان فورما كيگەن دەلەگاسيا وكىلدەرى ەردى. ەكاتەرينا ايدوۆا التىنمەن ورنەكتەلگەن كلاسسيكالىق ورنەك سالىنعان كيىمىمەن كوپشىلىكتى تاڭىرقاتتى»، - دەپ جازدى امەريكالىق باسىلىم.
The Insider وليمپيادانىڭ اشىلۋىنا ارنالعان فوتورەپورتاجدا قازاقستان كومانداسىنا تاعى دا ورىن بەرىپ: «قازاقستاندىق ەكاتەرينا ايدوۆا التىن ويۋلارمەن ورنەكتەلگەن كوستيۋمىمەن جارقىراي ءتۇستى»، - دەپ جازعان.
ساياسات پەن مادەنيەتتەگى ماڭىزدى وقيعالاردى مالىمدەيتىن امەريكالىق Slate ينتەرنەت-باسىلى قۇرامانىڭ فورماسىن ەرەكشە اتاپ ءوتتى:
«گاردەروبتا حورەگورافيا كەرەمەت، Kazakhstan. نەمەسە، كەشىرىڭىزدەر، Qazaqstan؟ رەتروفۋتۋريستىك ءشريفتتى جاقسى كورەمىز. ال كۇرتەدەگى دەتالدار – كەرەمەت، سپورتتىق كيىم ءۇشىن ەرەكشە جۇمساق شتريح»، - دەپ جازدى ينتەرنەت باسىلىم.
وليمپيدا جاڭالىقتارىنىڭ ەڭ باستى دەرەككوزدەرىنىڭ ءبىرى Inside the Games كوستيۋم ديزاينەرىنىڭ پىكىرىن بولىسكەن. «قازاقستاننىڭ باي تاريحى ءبىزدىڭ كەرەمەت وبرازدى جاساقتاۋىمىزعا سەبەپ بولدى»، - دەگەن بولاتىن ديزاينەر.
جاپونيانىڭ ءىرى باسىلىمى ۋomiuri قازاقستاندىق تۋ ۇستاۋشىلار تۋرالى «تاعى دا حانشايىم كەلدى» تاقىرىبىمەن ماقالا جاريالادى. «توكيونىڭ ءىزىن الا قازاقستاندىق تۋ ۇستاۋشىلاردىڭ ادەمى كوستيۋمى بەيجىڭدە جالعاسىن تاپتى»، - دەپ جازعان جاپوندىقتار.