مەملەكەت پرەزيدەنتى جارلىققا قول قويدى.
قازاقتىڭ كورنەكتى كومپوزيتورى ءشامشى قالداياقوۆقا جوعارى دارەجەلى ەرەكشەلىك بەلگىسى بەرىلدى، دەپ حابارلايدى Almaty-akshamy.kz اقورداعا سىلتەمە جاساپ.
بۇل تۋرالى اقوردانىڭ باسپا ءسوز قىزمەتى حابارلادى.
«قازاق حالقىنىڭ مۋزىكا ونەرىن دامىتۋداعى ايرىقشا ەڭبەگى ءۇشىن كومپوزيتور ءشامشى قالداياقوۆقا جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلسىن (مارقۇم)»، - دەلىنگەن حابارلامادا.
وسى جارلىق قول قويىلعان كۇنىنەن باستاپ قولدانىسقا ەنگىزىلەدى.