حالىق مۋزىكاسىن وركەستردىڭ سۇيەمەلدەۋىمەن ق ر ەڭبەك سىڭىرگەن قايراتكەرلەرى مەن ارتىستەرى ورىندايدى.
ع. قۇرمانعالييەۆ اتىنداعى وبلىستىق فيلارمونيا 15 ماۋسىمدا الماتى قالاسىندا كونسەرت بەرەدى، دەپ حابارلايدى Almaty-akshamy.kz
كونسەرت الدىندا مەگاپوليس قوناقتارى وڭىرلىك كوممۋنيكاسيالار قىزمەتىنىڭ بريفينگىندە ءسوز سويلەپ، الداعى وقيعا تۋرالى ايتىپ بەردى.
ال كەشكە حالىق ءانىن ورىنداۋشىلار الماتىلىق كورەرمەندەردى قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ كونسەرت زالىندا كۇتەتىن بولادى.
ق ر ەڭبەك سىڭىرگەن قايراتكەرى، «پاراسات» وردەنىنىڭ يەگەرى، ءداستۇرلى ءان جانرىنىڭ ءانشىسى قاتيموللا بەردىعالييەۆ وكق الاڭىندا ءوز شىعارماشىلىعىندا قازاقتىڭ ءتول ونەرىن، اقىن-جىراۋ رەتىندە دارىپتەيتىنىن اتاپ ءوتتى. ءداستۇرلى ءانشى، مۋزىكا ءپانىنىڭ ءمۇعالىمى وسى سالالاردى وسكەلەڭ ۇرپاق اراسىندا كەڭىنەن ناسيحاتتاۋدا.
قاتيموللا بەردىعالييەۆتىڭ رەپەرتۋارىندا ءۇش جۇزدەن استام قازاقتىڭ حالىق اندەرى، جىراۋلار مەن تەرمە-جىراۋلار بۇقار جىراۋ، بازار جىراۋ، قاشاعان جىراۋ، مۇحيت مەرالييەۆ، عاريفوللا قۇرمانعالييەۆ جانە كوپتەگەن حالىق كومپوزيتورلارىنىڭ اندەرى بار.
قازاق راديوسىنىڭ التىن قورىنا «ەل» پروديۋسەرلىك ورتالىعىندا جازىلعان ق.بەردىعالييەۆتىڭ 83 ءانى ەندى. ايتا كەتەرلىگى، بيىل ءارتىس 70 جاسقا تولدى. ول دومبىرا تارتىپ، تەرمەنى بالا كەزىنەن ورىنداي باستاعان.
ودان بولەك، ق ر ەڭبەك سىڭىرگەن ءارتىسى، ءانشى قاناتقالي قوجاقوۆ، «ەرەن ەڭبەگى ءۇشىن» مەدالىنىڭ يەگەرى، ءانشى ايبار قايىرحانوۆ جانە تاعى باسقالار قالا تۇرعىندارىنا ونەر كورسەتەدى. ديريجەر ءارى جەتەكشىسى ەركىن نۇرىمبەتوۆ جەتەكشىلىك ەتەتىن «داۋلەتكەرەي» قازاق حالىق اسپاپتار وركەسترى حالىق ونەرىن سۇيەر قاۋىمنىڭ نازارىنا ۇسىنادى.
ايتا كەتسەك، گاسترولدىك ساپار 18 مامىردا باستالىپ، باتىس قازاقستان فيلارمونياسى قوستانايدا، ودان كەيىن پاۆلوداردا ونەر كورسەتتى. گاسترولدىك ساپار 17 ماۋسىمدا تالدىقورعاندا، 21 ماۋسىمدا شىمكەنتتە، سونىمەن قاتار سەمەيدە جالعاسادى.