الماتى وبلىسىندا ەر ادام پويىزدىڭ جۇرۋىنە كەدەرگى كەلتىرىپ، تاس لاقتىرعان
الماتى وبلىسىندا تەمىرجولدا بەلگىلەنبەگەن جەردەن ءوتىپ، پويىزعا تاس لاقتىرعان ادام ۇستالدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
13 مامىر كۇنى الماتى-1 ستانسياسىنداعى جەلىلىك پوليسيا باسقارماسىنا جۇك پويىزىنىڭ ءماشينيسى تەمىرجولدا ادامنىڭ بولۋىنا بايلانىستى شۇعىل تەجەگىشتى قوسىپ، ءقاۋىپتى جاعدايعا تاپ بولعانى تۋرالى حابارلاما كەلىپ ءتۇستى. پويىز 7 مينۋتقا تەجەلگەن.
سونىمەن قاتار قۇقىقبۇزۋشى شامالعان ستانسياسىنىڭ وتكەلىنەن ءوتىپ بارا جاتىپ جۇك پويىزىنا تاس لاقتىرىپ، كەيىن قاشىپ كەتكەن. بۇعان كىنالى رەتىندە الماتى وبلىسىنىڭ 34 جاستاعى تۇرعىنىن انىقتالدى.
وعان قاتىستى ق ر اقبتك-نىڭ 559-بابى 5-بولىگى مەن 434-بابى 1-بولىگى بويىنشا ەكى اكىمشىلىك حاتتاما تولتىرىلدى. ۇساق بۇزاقىلىق بويىنشا ءىس شەشىم قابىلداۋ ءۇشىن الماتى وبلىسى قاراساي اۋداندىق سوتىنا جولداندى.