شاكىرتاقى كوبەيدى

باكالاۆر باعدارلاماسى بويىنشا وقيتىنداردىڭ شاكىرتاقىسى 20%-عا، ال ماگيسترانتتار مەن دوكتورانتتاردىڭ شاكىرتاقىسى 15%-عا ارتقان.

پرەزيدەنتتىڭ تاپسىرماسى جانە Nur Otan پارتياسىنىڭ سايلاۋالدى باعدارلاماسىن ىسكە اسىرۋ شەڭبەرىندە ەلىمىزدەگى جوعارى وقۋ ورىندارى ستۋدەنتتەرىنىڭ، ماگيسترانتتارى مەن دوكتورانتتارىنىڭ شاكىرتاقى كولەمى وسى جىلدىڭ 1 قىركۇيەگىنەن باستاپ ارتا ءتۇستى، دەپ حابارلايدى Almaty-akshamy.kz

«باكالاۆردا وقيتىن ستۋدەنتتەردىڭ شاكىرتاقىسى 26 186 تەڭگەدەن 31 423 تەڭگەگە دەيىن ارتتى. پەداگوگيكالىق باعىت بويىنشا وقيتىن جوو ستۋدەنتتەرى بۇرىن 42 000 تەڭگە السا، ەندى 50 400 تەڭگە الاتىن بولادى. ءبىز پرەزيدەنتتىڭ تاپسىرماسىن ورىنداپ، بولاشاق دارىگەرلەردىڭ ستيپەندياسىن ەداۋىر ارتتىردىق. ولار 26 186 تەڭگەنىڭ ورنىنا 50 400 تەڭگە الاتىن بولادى. وتكەن جىلدىڭ قاڭتار ايىندا مەملەكەت باسشىسىنىڭ تاپسىرماسى بويىنشا شاكىرتاقى 25%-عا ۇلعايتىلدى. شىن مانىندە، سوڭعى ەكى جىلدا باكالاۆرياتتا وقيتىن ستۋدەنتتەردىڭ ستيپەندياسى شامامەن 2 ەسە ارتتى»، — دەدى ءبىلىم جانە عىلىم ۆيسە-مينيسترى قۋانىش ەرعالييەۆ.

سونىمەن قاتار ماگيسترانتتار، دوكتورانتتار مەن ينتەرندەردىڭ دە شاكىرتاقىلارى ارتتى. ەگەر بۇرىن ماگيسترانتتار 66 913 تەڭگە السا، ەندى ولاردىڭ اي سايىنعى ستيپەندياسى 76 950 تەڭگەنى قۇرايدى. دوكتورانتتار ستيپەندياسى 150 000 تەڭگەدەن 172 500 تەڭگەگە دەيىن، ينتەرندەردە – 47 431 تەڭگەدەن 59 289 تەڭگەگە دەيىن ءوستى.