«الماتى مارافونىنىڭ» باستالۋىنا 16 كۇن قالدى
ەلدەگى ەپيدەميولوگيالىق جاعدايعا بايلانىستى، ءداستۇرلى تۇردە 14 قىركۇيەكتە وتەتىن «الماتى مارافونى» بيىل 26 قىركۇيەككە اۋىستىرىلدى، دەپ حابارلايدى Almaty-akshamy.kz.
«ءبىرىنشى بولۋ باتىلدىق» كورپوراتيۆتىك قورىنىڭ ۇيىمداستىرۋمەن ءوتىپ كەلە جاتقان مارافونعا بيىل - 10 جىل. وسى مارافونعا مىڭداعان ادام «ءبىرىنشى بولۋ - باتىلدىق» دەگەن ۇرانمەن قاتىسقان بولاتىن.
مارافونعا قاتىساتىندار 10 شاقىرىم، سكانديناۆ جۇرىسىمەن 10 شاقىرىم، 21،1 شاقىرىم، 42،2 شاقىرىم جانە ەكيدەن كوماندالىق ەستافەتاسى قاشىقتىقتارى بويىنشا جۇگىرەدى.
10 شاقىرىم بويىنشا جۇگىرۋگە 15 جىلدان بەرگى تاجىريبەسى بار سپورتشىلار قاتىسا الادى. بۇل قاشىقتىقتا جۇگىرگەن جەڭىمپازدار مەن جۇلدەگەرلەر گراموتالار مەن سىيلىقتارعا يە بولادى. بۇل ارالىقتا جۇگىرۋگە قاتىسۋ قۇنى - 7000 تەڭگە.
سكانديناۆ جۇرىسىمەن 10 شاقىرىمدىق سايىسقا 15 جىلدىق تاجىريبەسى بار سپورتشىلار قاتىسا الادى. بۇل قاشىقتىقتى يگەرۋدەگى باستى تالاپ - 10 كم ارالىقتى سكانديناۆ جۇرىسىنە ارنالعان تاياقپەن باعىندىرۋ كەرەك. بۇل قاشىقتىقتا قاتىسقاندارعا ماراپات قاراستىرىلماعان. قاتىسۋ باعاسى - 7000 تەڭگە.
21،1 كيلومەتر بولاتىن قاشىقتىق بويىنشا جاسى 18-دەن اسقان سپورتشىلار جۇگىرەدى. جەڭىمپازدار مەن جۇلدەگەرلەر اقشالاي سىيلىقتار، مەدالدار، ماقتاۋ قاعازدارى مەن سىيلىقتارمەن ماراپاتتالادى. بۇل ارالىقتا جۇگىرۋ ءۇشىن قاتىسۋ باعاسى - 8000 تەڭگە.
42،2 شاقىرىمدىق قاشىقتىقتا 18-دەن اسقان سپورتشىلار قاتىسا الادى. بۇل ارالىق بويىنشا قاتىسقان جەڭىمپازدار مەن جۇلدەگەرلەر مەدالدار، كۋبوكتار، گراموتالار مەن سىيلىقتارعا يە بولادى. قاتىسۋ باعاسى - 9000 تەڭگە
ەكيدەن كوماندالىق ەستافەتاسىنا 6 ادامنان توپ، جاستارى 16-دان اسقان اۋەسقوي سپورتشىلار قاتىسا الادى. بۇل ارالىقتا جۇگىرگەن جەڭىمپازدار مەن جۇلدەگەرلەر دە مەدالدار، كۋبوكتار، گراموتالار جانە سىيلىقتارمەن ماراپاتتالادى. باعاسى - 150000 تەڭگە.
«الماتى مارافونى» 26 قىركۇيەك كۇنى رەسپۋبليكا الاڭىنان ساعات 07:30 كەزىندە باستالادى. مارافونعا قاتىستى وزگە دە سۇراقتاردى تولىعىراق almaty-marathon.kz سايتىنان بىلۋگە بولادى.