13 كەنشى ءالى ىزدەستىرىلىپ جاتىر.
كوستەنكو اتىنداعى شاحتادا 33 ادامنىڭ دەنەسى تابىلدى، 13 كەنشى ءالى ىزدەستىرىلىپ جاتىر، دەپ حابارلايدى Almaty-akshamy.kz
"ارسەلورميتتالتەمىرتاۋ" اق كومىر دەپارتامەنتىنىڭ كوستەنكو اتىنداعى شاحتاداعى اۆاريالىق-قۇتقارۋ جۇمىستارىنا "كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى" ج ش س قاراعاندى فيليالىنىڭ تاۋ-كەن قۇتقارۋشىلارى جۇمىلدىرىلدى.
"گاز جاعدايىن باقىلاۋ، سىنامالاردى الۋ، سونداي-اق تابىلعان دەنەلەردى شىعارۋ جۇمىستارى ءجۇرىپ جاتىر"، دەلىنگەن ق ر تجم باسپا ءسوز قىزمەتى تاراتقان اقپاراتتا.