قازاقستاندىق شاحماتشى ءبيبىسارا اساۋبايەۆا Instagram جەلىسىندە وقىرماندارىنىڭ سۇراقتارىنا جاۋاپ بەردى. ايگىلى سپورتشىعا جازىلۋشىلاردىڭ ءبىرى ودان جەكە ءومىرى، ناقتىراق ايتقاندا سۇيىكتىسى تۋرالى سۇراعان، - دەپ حابارلايدى اqshamnews.kz ءتىلشىسى.
ءبيبىسارا اساۋبايەۆا بۇل ساۋالعا تىكەلەي جاۋاپ بەرمەي، "ماحاببات" دەگەن جازۋى بار التىن ساقينانىڭ فوتوسىن جاريالاعان.
ايتا كەتەيىك، جەلتوقسان ايىنىڭ اياعىندا ءبيبىسارا اساۋبايەۆا بليس بويىنشا الەم چەمپيونى اتاعىن ءۇشىنشى مارتە يەلەندى. فينالدا ول ۋكراينالىق شاحماتشى اننا مۋزىچۋكتى جەڭگەن. جەڭىسى ءۇشىن قازاقستاندىق سپورتشى 40 مىڭ ەۋرو (شامامەن 23،8 ملن تەڭگە) سىياقى العان.
ال قاڭتارداعى FIDE رەيتينگىندە اساۋبايەۆا 2497 ۇپايمەن 11-ورىندا تۇر.
سونداي-اق مەملەكەت باسشىسى قاسىم-جومارت توقايەۆ شاحماتشىنى الەم چەمپيوناتىنداعى جەڭىسىمەن قۇتتىقتاپ، حالىقارالىق تۋرنيرلەردەگى جەتىستىكتەرى مەن شاحماتتىڭ دامۋىنا قوسقان ۇلەسى ءۇشىن ونى II دارەجەلى "بارىس" وردەنىمەن ماراپاتتادى.