5 تامىزدا قازاقستان ايەلدەر قۇراماسى ۆەتناممەن وينايدى
قازاقستان ايەلدەر قۇراماسى ءۇندىستاندا ءوتىپ جاتقان شاحمات وليمپياداسىندا ءازىربايجانعا ەسە جىبەردى. بۇل - قازاقستاندىق شاحماتشىلاردىڭ اتالعان سايىستاعى العاشقى جەڭىلىسى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سپورت شرەدينگەرا» تelegram -كانالىنىڭ حابارلاۋىنشا، ايەلدەر قۇراماسى ءازىربايجان كومانداسىنان 1:3 ەسەبىمەن ۇتىلعان. ال، جانسايا ابدىمالىك پەن ءبيبىسارا اساۋبايەۆا قارسىلاستارىمەن تەڭ تۇسسە، كسەنيا بالابايەۆا مەن گۇلىسحان ناحبايەۆا جەڭىلىس تاپتى.
وسىلايشا، ايەلدەر قۇراماسىنىڭ ەنشىسىندە 4 جەڭىس، 1 تەڭ ويىن جانە 1 جەڭىلىس بار. بۇل كورسەتكىشپەن قازاقستاندىق كوماندا ءۇندىستانداعى دۇنيەجۇزىلىك شاحمات وليمپياداسىنىڭ تۋرنير كەستەسىندە 6-ورىننان 14-ورىنعا سىرعىدى.
بۇگىن - سپورتشىلار ءۇشىن دەمالىس كۇنى. كەيىن 5 تامىزدا قازاقستان ايەلدەر قۇراماسى ۆەتناممەن وينايدى.
ەسكە سالساق، كەشە شاحمات وليمپياداسىندا قازاقستان ەرلەر قۇراماسى چەحيانى 2،5:1،5 ەسەبىمەن ۇتقانىن جازىپ ەدىك.