3 ناۋقاس وكپەنى جاساندى جەلدەتۋ اپپاراتىنا قوسىلعان
قازاقستاندا كوروناۆيرۋس ينفەكسياسىنىڭ بەلگىلەرى بار پنيەۆمونياعا 26 ادام شالدىقتى، ءولىم-جىتىم بولعان جوق. بۇل تۋرالى ق ر دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى Almaty-akshamy.kz.
4 تامىزداعى جاعداي بويىنشا، ەل وڭىرلەرىندە كوروناۆيرۋس ينفەكسياسىنان (كۆي+) – 28 223، كوروناۆيرۋس پنيەۆمونياسىنان (كۆي-) – 274 ادام، بارلىعى 28 497 ناۋقاس ەم قابىلداپ جاتىر.
ولاردىڭ ىشىندە 1 477 پاسيەنت ستاسيوناردا، 27 020 ناۋقاس امبۋلاتوريالىق دەڭگەيدە ەم قابىلداۋدا.
كۆي+، كۆي- شالدىققانداردىڭ اراسىندا 35 ادامنىڭ جاعدايى اۋىر، 8 پاسيەنتتىڭ جاعدايى وتە اۋىر، 3 ناۋقاس وكپەنى جاساندى جەلدەتۋ اپپاراتىنا قوسىلعان.
ەسكە سالايىق، كەشە دەنساۋلىق ساقتاۋ مينيسترلىگى كوروناۆيرۋس ينفەكسياسىنان 2 ادام قايتىس بولعانىن ءمالىم ەتتى.