ءبىلىم بەرۋدىڭ قولجەتىمدىلىگى مەن ساپاسىن ارتتىرۋ – ۇكىمەت «قازاقستان حالقىنا" قورىنىڭ قايىرىمدىلىق جوباسىن ۇلعايتۋدى قولدادى
ق ر پرەمەر-مينيسترى ولجاس بەكتەنوۆ 2024 جىلعى 3 جەلتوقسانداعى ۇكىمەت وتىرىسىندا «سيفرلىق تەحنولوگيالاردى پايدالانا وتىرىپ، اقتوبە وبلىسىنىڭ شاعىن جيناقتى اۋىلدىق مەكتەپتەرىنىڭ الەۋەتىن دامىتۋ» جوباسىن ماسشتابتاۋدى تاپسىردى.
پرەمەر-مينيستر قالالىق جانە اۋىلدىق ءبىلىم بەرۋ اراسىنداعى ءبىلىم بەرۋ دەڭگەيىندەگى الشاقتىقتى قىسقارتۋ ۇكىمەتتىڭ ماڭىزدى تاپسىرمالارىنىڭ قاتارىندا قالىپ وتىرعانىنا ەرەكشە كوڭىل ءبولدى، سونداي-اق اقتوبە وڭىرىندە شاعىن جيناقتى مەكتەپتەردى دامىتۋ جونىندەگى كەشەندى جوبانى ىسكە اسىرۋدا «قازاقستان حالقىنا» قق ماڭىزدى ءرولىن اتاپ ءوتتى.
ق ر وقۋ-اعارتۋ ءمينيسترى عاني بەيسەمبايەۆ اقتوبە وبلىسىندا ءوڭىر اكىمدىگىمەن، «قازاقستان حالقىنا» قق، «ءبىلىم بەرۋدى تۇراقتى دامىتۋ قورى» قق، «نازاربايەۆ زياتكەرلىك مەكتەپتەرى» دببۇ جانە باسقادا سەرىكتەستەرمەن بىرلەسىپ، پيلوتتىق رەجيمدە «سيفرلىق تەحنولوگيالاردى پايدالانا وتىرىپ، اۋىل مەكتەپتەرىنىڭ الەۋەتىن ارتتىرۋ» جوباسى قالاي ءساتتى ىسكە اسىرىلعانى تۋرالى ايتىپ بەردى. جوباعا 11 مىڭنان استام ءبىلىم الۋشى مەن 3،5 مىڭعا جۋىق پەداگوگ كونتينگەنتى بار 12 تىرەك جانە 134 شاعىن جيناقتى مەكتەپ (شجم) جۇمىلدىرىلدى.
«قازاقستان حالقىنا» قق بارلىعى 134 ءشجم-نى زاماناۋي جابدىقتارمەن، سونىڭ ىشىندە ونلاين-وقىتۋ جانە عىلىمي قىزمەتكە ارنالعان كابينەتتەرمەن جاراقتاندىرۋعا 1،8 ملرد تەڭگەدەن استام قاراجات ءبولدى.
قازاقستاندا بارلىق مەكتەپتەردىڭ 70 پايىزدان استامى (5 245) اۋىلدىق جەرلەردە ورنالاسقان، ونىڭ جارتىسى شاعىن جيناقتى مەكتەپ ساناتىنا جاتادى (2 564 مەكتەپ). شاعىن جيناقتى مەكتەپتەردەگى ءبىلىم ساپاسىنا بىلىكتى مامانداردىڭ جەتىسپەۋشىلىگى، ەسكىرگەن ماتەريالدىق-تەحنيكالىق بازا سياقتى فاكتورلار اسەر ەتەدى.
«قور قۇرىلعان ساتتەن باستاپ ءبىزدىڭ كوماندا ءبىلىم بەرۋ سالاسىنداعى قايىرىمدىلىق جوبالاردى قولداۋعا ەرەكشە ءمان بەرەدى. ۋاكىلەتتى ورگاندارمەن جاعدايدى بىرلەسىپ زەردەلەۋ، سەرىكتەس قورلارىمىزبەن تالقىلاۋ «قازاقستان حالقىنا» قورى شەشۋگە قاتىسا الاتىن وزەكتى ماسەلەلەردىڭ ءبىرى اۋىلدا ءبىلىم بەرۋدى دامىتۋ بولىپ تابىلاتىنىن كورسەتتى. سوندىقتان ءبىزدىڭ فلاگماندىق قايىرىمدىلىق جوبامىز «ءبىلىم بەرۋدى تۇراقتى دامىتۋ قورى» قق، «نازاربايەۆ زياتكەرلىك مەكتەپتەرى» دببۇ، وڭىرلىك اكىمدىكتەرىمەن جانە باسقا سەرىكتەستەرمەن ىسكە اسىرىلعان «اۋىلدىق جەرلەردە تىرەك مەكتەپتەردىڭ الەۋەتىن دامىتۋ» ەلدىك باستاماسى بولدى. 2022 جىلدان باستاپ ەكى كەزەڭدە قور قازاقستاننىڭ 17 وڭىرىندە 135 تىرەك مەكتەپتى جاراقتاندىرۋعا 33.5 ملرد تەڭگە جۇمسادى. كەلەسى جىلى ءبىز تاعى 56 مەكتەپتى قامتي وتىرىپ، جوبانى اياقتايمىز»، - دەپ اتاپ ءوتتى «قازاقستان حالقىنا» قق-نىڭ باسقارما ءتوراعاسى بولات جامىشيەۆ.
«اقتوبە وبلىسىنىڭ شاعىن جيناقتالعان اۋىلدىق مەكتەپتەرىنىڭ الەۋەتىن دامىتۋ» جوباسى «اۋىلدىق جەرلەردە تىرەك مەكتەپتەرىنىڭ الەۋەتىن دامىتۋ» جوباسىنىڭ تابيعي جالعاسى بولدى»، - دەپ قوستى ول.
بولات جامىشيەۆ سونداي-اق قور وسىنداي مەكتەپتەر سانى ەڭ كوپ 3 وبلىستا، اتاپ ايتقاندا قوستاناي، اقمولا جانە سولتۇستىك قازاقستان وبلىستارىندا جوبانى ەنگىزۋدى قولداۋعا دايىن ەكەنىن اتاپ ءوتتى.
وتىرىس قورىتىندىسى بويىنشا پرەمەر-مينيستر ولجاس بەكتەنوۆ ءبىلىم مينيسترلىگىنە جانە وبلىس اكىمدەرىنە اقتوبە وبلىسىنىڭ شاعىن جيناقتى مەكتەپتەردى دامىتۋ بويىنشا تابىستى تاجىريبەسىن ماسشتابتاۋعا كىرىسۋدى تاپسىردى.
ق ر وقۋ-اعارتۋ ءمينيسترى عاني بەيسەمبايەۆ ءوز ۆەدومستۆوسىنىڭ نورماتيۆتىك-قۇقىقتىق جانە ءادىسنامالىق سۇيەمەلدەۋدى قوسا العاندا، جان-جاقتى قولداۋ كورسەتۋگە تولىق دايىن ەكەنىن اتاپ ءوتتى. ۋاكىلەتتى ورگان قامتىلعان وڭىرلەر مەن مەكتەپتەر سانىنىڭ بىرتىندەپ ۇلعايتىپ، سول ارقىلى 2025 جىلعى قىركۇيەكتە 17 وڭىردە 443 تىرەك مەكتەپ جانە 1824 شجم-گە دەيىن قول جەتكىزۋمەن جوبانى ۇلعايتاۋدىڭ ءۇش كەزەڭىن بەكىتتى.