شاعىن فۋتبولدان قازاقستان ۇلتتىق قۇراماسى چەحيا قۇراماسىن ۇتتىپ جارتىلاي فينالعا شىقتى
بۇل تارتىستى كەزدەسۋدىڭ تاعدىرى ماچتان كەيىنگى پەنالتيدە شەشىلدى. قازاقستان مەن چەحيا كەزدەسۋىنىڭ نەگىزگى ۋاقىتى 3:3 ەسەبىمەن تەڭ اياقتالدى. قازاقستان قۇراماسى ساپىندا الەكساندر كيسليسىن، باقتيار جۋشنوۆ جانە اسلانبەك ارشكەنوۆ گول سوقتى. ال پەنالتيلەر سەرياسىندا قازاقستاندىقتار تاعى ءبىر گول سوعىپ، 3:2 ەسەبىمەن جەڭىسكە جەتىپ، 2023 جىلعى الەم چەمپيوناتىنىڭ جارتىلاي فينالىنا جولداما الدى.
وسىلايشا، قازاقستاندىق فۋتبولشىلار پلەي-وفف كەزەڭىندە ەكىنشى رەت سەنساسيا جاسادى. بۇعان دەيىن قازاقستان قازىرگى الەم چەمپيوندارى مەكسيكادان باسىم تۇسسە، ەندى الەمدىك رەيتينگتەگى ءۇشىنشى كوماندا – چەحيانى جەڭدى.
ەندى قازاقستان قۇراماسىنىڭ الەم چەمپيوناتىنىڭ فينالىنا شىعۋعا مۇمكىندىگى بار. ول ءۇشىن 3 قاراشادا ءبىزدىڭ قۇراما ازەربايجان وكىلدەرىن ۇتۋ كەرەك. رۋمىنيا مەن ۆەنگريا 2023 جىلعى الەم چەمپيوناتىنىڭ فينالىندا ەكىنشى ورىن ءۇشىن تالاسادى.
شاعىن فۋتبولدان 2023 جىلعى الەم چەمپيونى 4 قاراشادا انىقتالادى.