«قازاۆتوجول «ۇك» اق، وڭىرلەردەگى اكىمدىكتەر جانە باسقا دا مۇددەلى ۇيىمداردىڭ قاتىسۋىمەن ونلاين فورماتتا وتكەن كەڭەستە كولىك مينيسترلىگىنىڭ باسشىسى 2024-2026 جىلدارى ىسكە اسىرىلا باستاعان رەسپۋبليكالىق جانە جەرگىلىكتى اۆتوموبيل جولدارىنىڭ ۋچاسكەلەرىن سالۋ، رەكونسترۋكسيالاۋ جانە كۇردەلى جوندەۋدىڭ ءبىرىنشى كەزەكتەگى جوبالارىنىڭ ءتىزىمىن جاريالادى، دەپ حابارلايدى Almaty-akshamy.kz.
«مەملەكەت باسشىسىنىڭ تاپسىرماسىنا سايكەس ەلىمىزدىڭ اۆتوجول سالاسىن دامىتۋ شەڭبەرىندە 4،7 مىڭ شاقىرىم رەسپۋبليكالىق جەلى بويىنشا باسىمدىق بەرىلگەن جوبالار ايقىندالدى، وندا حالىقارالىق قارجى ينستيتۋتتارى ەسەبىنەن قارجىلاندىرۋ كوزدەرى پىسىقتالىپ جاتىر»، دەدى مارات قارابايەۆ باسىمدىق بەرىلگەن اۆتوجول جوبالارىنىڭ جوسپارلارىن قاراۋ بارىسىندا.
ۇسىنىلعان اقپاراتقا سايكەس، 2024 جىلى رەسپۋبليكالىق جولدار جەلىسىندە اقتوبە-ۇلعايسىن-قىزىلوردا (ءى تەحنيكالىق سانات)، قاراعاندى-جەزقازعان (I، II سانات)، «سارىاعاش قالاسىن اينالىپ ءوتۋ» (ءى سانات) جوبالارىن باستاۋ جوسپارلانىپ وتىر. 2025-2026 جىلدارعا اتىراۋ-دوسسور (ءى سانات) جانە استانا-قوستاناي-رەسەي فەدەراسياسىنىڭ شەكاراسى (ءى سانات) جوبالارى جوسپارلانعان. ال 2026 جىلعا پاۆلودار-رف شەكاراسى (ءىى سانات)، سەمەي-رەسەي فەدەراسياسىنىڭ شەكاراسى (بارناۋىلدا (ءىى سانات)، اتىراۋ-ورال (ءى سانات)، بەينەۋ-شالقار-ىرعىز (ءىى سانات)، جاڭاوزەن-كەندىرلى تاسجولى (ءىى سانات)، «شىمكەنت قالاسىن اينالىپ ءوتۋ» (ءى سانات)، الماتى-تالعار-بايدىبەك بي (ءى سانات) جانە ءالماتى-ۇشقوڭىر (ءى سانات) ۋچاسكەلەرى جوسپارلانعان.
سونىمەن قاتار مينيستر ەلدىڭ ىشكى جانە سىرتقى كولىك-لوگيستيكالىق الەۋەتىن دامىتۋدىڭ تولىق اسەرىن قامتاماسىز ەتۋ ءۇشىن جەرگىلىكتى ماڭىزى بار باسىم جوبالاردى ايقىنداۋ جانە ىسكە اسىرۋ تالاپ ەتىلەتىنىن اتاپ ءوتتى. وسىعان بايلانىستى اكىمدىكتەردىڭ ۇسىنعان دەرەكتەرى بويىنشا مينيسترلىك وڭىرلەر بولىنىسىندە اۆتوموبيل جولدارىنىڭ باسىم جوبالارىنىڭ ءتىزىمىن جاسادى.
اتالعان جوسپارعا ۋاقتىلى ىسكە اسىرۋدى تالاپ ەتەتىن جالپى ۇزىندىعى 4،3 مىڭ شاقىرىمدى قۇرايتىن 95 ۋچاسكە ەنگىزىلدى. ونىڭ 50 – ءى رەسپۋبليكالىق جەلىنىڭ جولدارىنا (1،4 مىڭ كم)، ال 45ء-ى جەرگىلىكتى جولدارعا (2،9 مىڭ كم) قاتىستى. بۇل جوبالارعا 2،2 ترلن تەڭگە كولەمىندە قارجىلاندىرۋ قاجەت.
«جوبالاردى تولىققاندى ىسكە اسىرۋ جانە رەسپۋبليكالىق بيۋدجەتكە تۇسەتىن جۇكتەمەنى ازايتۋ ءۇشىن مينيسترلىك ەۋرازيالىق دامۋ بانكى ينۆەستيسيالارىن تارتۋ ەسەبىنەن وسى جوبالاردى قارجىلاندىرۋ تەتىگىن پىسىقتاپ جاتىر»، دەپ تولىقتىردى ۆەدومستۆو باسشىسى.
م.قارابايەۆ ۋاكىلەتتى جانە مۇددەلى مەملەكەتتىك ۇيىمدار جوسپارلانىپ وتىرعان جول ۋچاسكەلەرىنە كىرەتىن جەرلەردى ۋاقتىلى رەزەرۆتەۋ جانە ءبولۋ ۇردىستەرىن رەسىمدەۋ، سونداي-اق تەحنيكالىق-ەكونوميكالىق نەگىزدەمە مەن جوبالاۋ سمەتالىق قۇجاتتامانى ساپالى ازىرلەۋ ءارى قولدانىستاعى قۇرىلىس كارەرلەرىمەن قامتاماسىز ەتۋ ماسەلەلەرىن تۇراقتى باقىلاۋعا الۋى ءتيىس ەكەنىن اتاپ ءوتتى.