سەۋلدەگى كورمەدە كاميكادزە دروندارى قويىلدى

ايرىقشا كورمە

سەۋلدەگى كورمەدە كاميكادزە دروندار جۇرت نازارىنا ۇسىنىلدى، دەپ حابارلايدى Almaty-akshamy.kz. 24.kz-كە سىلتەمە جاساپ.

جاساندى يتتەر مەن شاياندار، ءتىپتى كاميكادزە دروندار. مۇنداي ەرەكشە ەكسپوناتتار سەۋلدەگى پيلوتسىز قوندىرعىلار كورمەسىندە كورسەتىلدى. ۇيىمداستىرۋشىلار دروندارعا ەرەكشە نازار اۋداردى. ويتكەنى ولار بارلىق سالادا قولدانىلىپ، وڭتۇستىك كورەيا اسكەرلەرىنىڭ نەگىزگى قارۋىنا اينالدى. 

مىنا ءروبوت-يتتىڭ قارىم-قابىلەتى جامان ەمەس. قوس كوزدىڭ ورنىنا ورناتىلعان سەنسورلى كامەرالار الۋان ءتۇرلى كەدەرگىلەردى اينالىپ وتۋگە مۇمكىندىك بەرەدى. الايدا ونىڭ قۋاتى نەبارى 1 ساعاتقا شاقتالعان. مۇنداي قۇلتەمىردىڭ قۇنى - 8 جارىم مىڭ دوللار.

ءبىراق بىرەگەي روبوتتى ساۋداعا تەك 5 جىلدان كەيىن شىعارۋ جوسپارلانىپ وتىر.

«بۇل روبوتتى قۇرىلىستا دا قولدانۋعا بولادى. ەگەر قانداي دا ءبىر قىزمەتكەر كوروناۆيرۋس جۇقتىرسا نەمەسە ونىڭ دەنە قىزۋى كوتەرىلسە، مىناۋ قۇلتەمىر تەمپەراتۋرانى انىقتاپ، دىبىس شىعارادى. ال ەگەر زاۋىتتا وقىس جاعداي بولىپ، ادام عيماراتقا كىرە الماي جاتسا، تاعى وسى ءيتتىڭ كومەگىنە سۇيەنۋگە بولادى»، - دەدى  كومپانيا وكىلى چون حي سوپ.

سالماعى ءبىر تونناداي بولاتىن مىنا شايان تارىزدەس روبوت بولسا، مۇحيتتا 6 مىڭ مەتر تەرەڭدىككە دەيىن تۇسە الادى. سۋدىڭ ءتۇبىن سۋرەتكە ءتۇسىرىپ باقىلاۋ جۇرگىزەدى.