ايتىسكەر اقىن، فيلولوگيا عىلىمدارىنىڭ كانديداتى سەرىكزات دۇيسەنعازى پرەزيدەنتتىڭ «Qazaqstan» ۇلتتىق تەلەارناسىنا بەرگەن سۇحباتىنا وراي پىكىر ءبىلدىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«پرەزيدەنتتىڭ ىسكە اسىرىپ جاتقان جوسپارلارىنىڭ دۇرىس ەكەندىگىنە كەشەگى «Qazaqstan» ۇلتتىق تەلەارناسىنداعى سۇحبات بارىسىندا كوز جەتكىزە تۇستىك. كەي ادامداردىڭ ونى كەرى بۇرىپ جاتقانى دا، ءار نارسەدەن ىلىك ىزدەپ وتىرعانى دا بار. ءبىراق، مەملەكەت باسشىسىنىڭ جۇرگىزىپ وتىرعان ساياساتى دۇرىس. سۇحبات بارىسىندا قاڭتار وقيعاسىنا قاتىستى كوپ جايت تەرگەۋ بىتپەي اشىق ايتىلمايتىندىعى اتاپ ءوتىلدى. دەگەنمەن، نەگىزگى ماسەلەلەر ەگجەي-تەگجەيلى قوزعالدى. سوندىقتان پرەزيدەنت اتاپ وتكەن نەگىزگى باعىتتاردى زيالى قاۋىم وكىلدەرى حالىقتىڭ ورتاسىندا، كوپشىلىكتىڭ اراسىندا دۇرىس ءتۇسىندىرىپ، قولداۋ كورسەتۋى كەرەك»، - دەدى ايتىسكەر اقىن.
ونىڭ اتاپ وتۋىنشە، زيالى قاۋىم وكىلدەرى قاشاندا قوعامنىڭ باستاۋشىسى، قوزعاۋشىسى بولىپ كەلەدى.
«زيالى دەگەنىمىز كىم؟ زيالىلار ۇلكەن جازۋشىلار مەن اقىندار دەپ قانا قابىلداۋعا بولمايدى. ولاردىڭ ىشىندە عالىمداردى، جالپى، ءار سالاداعى كوزى اشىق، كوكىرەگى وياۋ ازاماتتاردى، ادەبيەتتىڭ ىرگەلى باعىتتارىن مەڭگەرگەن ازاماتتاردى زيالى قاۋىم دەيمىز. ەندى وسى زيالى قاۋىم نە ىستەۋى كەرەك؟ زيالى قاۋىم قاشاندا مەملەكەتتىڭ دۇرىس باعىتتا دامۋىنا، حالىقتىڭ اتقارىلىپ جاتقان جۇمىستاردىڭ دۇرىس تۇسىنۋىنە اتسالىسۋى كەرەك. دۇرىس-بۇرىسىنىڭ اراجىگىن اجىراتىپ، جۇرتشىلىققا جەتكىزىپ وتىرۋى قاجەت»، - دەدى سەرىكزات دۇيسەنعازى.