قاراعاندى وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى، بوكستان وليمپيادا چەمپيونى سەرىك ساپييەۆ ءوزىنىڭ ورىنباسارى داۋرەن ەسىمحانوۆقا قاتىستى داۋلى وقيعاعا پىكىر ءبىلدىردى، - دەپ حابارلايدى aqshamnews.kz.
وليمپيادا چەمپيونى سەرىك ساپييەۆ ماسەلە تولىقتاي شەشىلگەنىن العا تارتتى.
«الەۋمەتتىك جەلىلەر مەن بۇقارالىق اقپارات قۇرالدارىندا تاراپ جاتقان جاعدايعا بايلانىستى تومەندەگىنى اتاپ وتكىم كەلەدى. مەن مەملەكەتتىك قىزمەتشى رەتىندە ءوز مىندەتتەرىمدى اتقارۋ بارىسىندا مەملەكەتتىك قىزمەتتىڭ ەتيكالىق نورمالارىن قاتاڭ ساقتايمىن. بالا كەزىمنەن باپكەرلەرىم ماعان رينگتەن تىس جەردە كۇش قولدانۋعا بولمايتىنىن ۇيرەتتى. مەن ءوز مۇمكىندىكتەرىمدى جاقسى باعالايمىن جانە ءاربىر ارەكەتىم ءۇشىن جاۋاپكەرشىلىكتى تولىق تۇسىنەمىن. سوندىقتان ەشقانداي ارانداتۋشىلىققا ەرمەيمىن. بۇل ماسەلە تولىق قارالىپ، جابىلدى دەپ ەسەپتەيمىن»، — دەپ جازدى ساپييەۆ ءوزىنىڭ Instagram پاراقشاسىندا.